Foto: Depisitphotos
Tamara Dúısenova Qazaqstanda zııandy óndiris oryndarynda jumys isteıtin qyzmetkerlerge zeınetkerlik jasqa jetkenge deıin arnaıy áleýmettik járdemaqy alýǵa múmkindik beretin túzetýler qabyldanǵanyn eske saldy.
«Jyl basynan beri Prezıdent tarapynan qaralyp, depýtattardyń qoldaýyna ıe bolǵan zııandy óndiris qyzmetkerlerine arnaıy ústemaqy tólenip jatyr. Osy kezeńde alýshylar sany 7140 adamǵa jetip, 1,2 mlrd teńge bólindi», dedi Premer-mınıstrdiń orynbasary.
Eske sala keteıik, 2024 jyldyń 1 qańtarynan bastap zııandy eńbek jaǵdaılarynda jumys isteıtin qyzmetkerlerdi áleýmettik qorǵaýdyń qosymsha tetikterin engizý aıasynda arnaıy áleýmettik tólemder engizilgen bolatyn.
55 jasqa tolǵan jáne keminde jeti jyl boıy MKZJ aýdarylǵan qyzmetkerler bul tólemderge quqyly.
