Foto: ANTIKOR
Osy jyldyń aqpanynda Qazaqstan Prezıdenti Qasym-Jomart Toqaevtyń Qatarǵa jumys sapary barysynda eki memleket arasyndaǵy yntymaqtastyqty arttyrýǵa baǵyttalǵan is-sharalar belgilendi. Onyń ishinde jemqorlyqqa qarsy birlesken kúres jumysy da bar. Osy maqsatta qos tarap «Parasattylyq pen ashyqtyqty ilgeriletý jónindegi ózara túsinistik týraly memorandýmǵa» qol qoıdy. Onyń aıasynda Sybaılas jemqorlyqqa qarsy is-qımyl agenttigi men Qatardyń Ákimshilik Baqylaý jáne Ashyqtyq Basqarmasy Jol kartasyna qol qoıý josparlandy.
24 maýsym kúni Qatardyń Sybaılas jemqorlyqqa qarsy vedomstvosynyń (Ákimshilik Baqylaý jáne Ashyqtyq Basqarmasy) basshysy Hamad Bın Naser Rashıd Al-Mısned myrza bastaǵan delegasııasy Qazaqstanǵa saparmen keldi.
Is-sapar aıasynda Sybaılas jemqorlyqqa qarsy is-qımyl agenttiginiń Tóraǵasy Ashat Jumaǵalı Ákimshilik Baqylaý jáne Ashyqtyq Basqarmasynyń Prezıdentimen ekijaqty kezdesý ótkizdi.
Jıyn barysynda taraptar eki eldiń jemqorlyqqa qarsy qyzmetteriniń jumysy, memlekettik organdardyń basym baǵyttaryn talqylap, ózara is-qımyl jónindegi Jol kartasyna qol qoıdy.
Qazaqstannyń Sybaılas jemqorlyqqa qarsy qyzmeti jemqorlyqty joıý, aktıvterdi qaıtarý, bıznesti qorǵaý, quqyqtyq kómek kórsetý, bıýdjet qarajaty men satyp alýdyń maqsatty paıdalanylýyna monıtorıng júrgizý boıynsha júıeli sharalardy tanystyrdy.
Sonymen qatar Agenttik Tóraǵasy balalar men jastarǵa jemqorlyqqa qarsy bilim berý men tárbıeleý, sondaı-aq sıfrlandyrý boıynsha júrgizilip jatqan jumystarǵa toqtaldy.
Qatarlyq tarap Almaty qalasynyń ákimi Erbolat Dosaevpen de kezdesti. Jıynda otandyq jáne sheteldik ınvestorlar úshin qolaıly ınvestısııalyq ahýaldy qalyptastyrýǵa erekshe kóńil bólinetinin atap ótti. Bul rette bıznes aldynda memlekettik organdar jemqorlyqqa qarsy mádenıet qalyptasqan úlken jaýapkershilikti arqalaıdy. Osy baǵytta Qazaqstan Respýblıkasynyń Sybaılas jemqorlyqqa qarsy is-qımyl agenttigi belsendi ról atqarady.
Is-sharada Ulttyq bank, Sıfrlyq damý, ınnovasııalar jáne aeroǵarysh ónerkásibi mınıstrligi jáne Elektrondyq qarjy ortalyǵynyń ókilderi sıfrlyq úkimettiń qyzmeti jáne memlekettik satyp alý júıesin sıfrlandyrýdyń erekshelikteri týraly baıandama jasady.
Antıkor Tóraǵasy A. Jumaǵalı Qatar basshylyǵyn osy jyldyń sońyna josparlanǵan BUU Sybaılas jemqorlyqqa qarsy konvensııasynyń normalaryn jedel engizý maqsatynda Ortalyq Azııa elderi úshin О́ńirlik platforma Konferensııasyna qatysýǵa shaqyrdy.
О́z kezeginde Qatardyń Sybaılas jemqorlyqqa qarsy vedomstvosy 2024 jylǵy qarashada Qatarda ótetin halyqaralyq sybaılas jemqorlyqqa qarsy konferensııaǵa shaqyrdy.
Kezdesý aıasynda Qatardan kelgen delegasııa ókilderi elimizdiń mádenı jáne tarıhı qundylyqtarymen de tanysty.
Is-shara qorytyndysy boıynsha taraptar jemqorlyqtyń sebepteri men saldaryn neǵurlym tıimdi taldaý, yntymaqtastyqty nyǵaıtý jáne eki eldiń damýy maqsatynda tájirıbe almasýdy jalǵastyrýǵa kelisti.
