"Halyqaralyq baǵdarlamalar ortalyǵynyń" baspasóz qyzmeti jazǵandaı, osy jylǵy 31 tamyzda Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen ótken Shetelde kadrlar daıarlaý jónindegi respýblıkalyq komıssııanyń kezekti otyrysynda stıpendııalardy taǵaıyndaý týraly sheshim qabyldandy.
Bıyl "Aqparattyq tehnologııalar men júıeler", "Bıotehnologııa. Bıoınjenerııa. Bıomedısına. Bıohımııa", "Kólik tehnologııalary. Kólik ınjenerııasy. Logıstıka", "Bilim berý salasyndaǵy basqarý", "Úlken derekterdi taldaý. Salalar boıynsha predıktıvti taldaý" jáne t.b. syndy mamandyqtar suranysqa ıe boldy.
"Bolashaq" stıpendııasyn taǵaıyndaýǵa úmitkerlerdi irikteý boıynsha konkýrs jylyna úsh ret ótedi. Qorytyndy shilde, tamyz jáne jeltoqsan aılarynda shyǵarylady. Aǵymdaǵy jyldyń sońyna deıin Respýblıkalyq komıssııanyń taǵy bir otyrysy ótetin bolady.
Jalpy alǵanda, 2022 jyly magıstratýra men rezıdentýraǵa 385 stıpendııa, doktorantýraǵa 60 stıpendııa, taǵylymdamadan ótýge 110 stıpendııa bólindi.
"Bolashaq" stıpendııasyn taǵaıyndaýǵa konkýrstyq irikteýge qatysý úshin qujattar qabyldaý bıylǵy jylǵy 23 mamyrda bastaldy jáne 14 qazanǵa deıin jalǵasady.
5 qyrkúıekte taǵylymdamadan ótý úshin qujattar qabyldaý bastalyp, 2022 jylǵy 14 qazanda aıaqtalady.
"Bolashaq" halyqaralyq stıpendııasy ıegerleriniń tizimi Halyqaralyq baǵdarlamalar ortalyǵynyń saıtynda jarııalanǵan.
