Foto. QR Mádenıet jáne aqparat mınıstrligi
Qazaqstanda 28 maýsym Buqaralyq aqparat quraldary qyzmetkerleri kúni dep belgilengen. Memleket basshysy Qasym-Jomart Toqaev jýrnalısterdi kásibı merekemen quttyqtaǵan edi.
Búgin Buqaralyq aqparat quraldary qyzmetkerleri kúnine oraı saltanatty is-shara ótti. Jıynǵa Mádenıet jáne aqparat mınıstri Aıda Balaeva men Prezıdenttiń keńesshi-baspasóz hatshysy Berik Ýálı qatysty.
«BAQ ókilderi - qoǵam men bılik arasyndaǵy altyn kópir. Sondyqtan osy memlekette turatyn árbir azamat sizderdiń jumystaryńyzdy baǵalaıdy, óıtkeni sizder arqyly qoǵamnyń kóptegen ózekti máseleleri aıtylady jáne bul memlekettik organdardyń jumysyn jandandyryp, jetildirýge yqpal etedi», dep atap ótti Aıda Balaeva.
«Qazaqstannyń eńbek sińirgen qaıratkeri» qurmetti ataǵyn jýrnalıstıka ardageri Qudaıbergen Tursyn aldy.
«Eýrazııa» telearnasynyń bas tilshisi Abaı Balajan «Qurmet» ordenimen marapattaldy.
Svetlana Penkova «Eren eńbegi úshin» medalimen marapattaldy.
QR Prezıdentiniń alǵys haty «Informburo.kz» tilshisi Áıgerim Úmmatqa jáne basqalarǵa tabystaldy.
