Oqıǵa ornyna patrýldik polısııa batalonynyń qyzmetkerleri Janat Danııar, Nurjan Qalıev, Damır Dúısembaev jáne Baýyrjan Nurǵazynov dereý kelgen.
- Biz barǵan kezde er adam 8-qabattyń balkonynda asylyp turdy. Birden joǵaryǵa kóterildik. Álgi balkonǵa azamattyń páteri arqyly ǵana kirýge múmkindik boldy. Oqıǵa ornynda tótenshe jaǵdaı qyzmetkerlerimen birge páterdiń esigin ashyp, balkonǵa ótip, áriptesim tómen túsip, er adamdy denesinen baılap, birge joǵary shyǵardyq. Er adam bolǵan oqıǵany túsindirip aıtyp beretindeı jaǵdaıda bolmady. Bólmede biz onymen tildesip, onyń jaqyndaryna kerek ekenin aıttyq. Sol sátte biz úshin eń bastysy adamdy qutqarý boldy. Ár sekýnd mańyzdy boldy, – deıdi qyzmet ınspektory Nurjan Qalıev.
Polıseıler ony jedel járdem dárigerlerine tapsyrdy.
Polısııa departamentinde oblystaǵy tártip saqshylary kún saıyn azamattardyń qaýipsizdigi men tynyshtyǵy úshin qyzmetke kirisetinin basa aıtty.
