Atyrau Online saıty jazǵandaı, Inder aýdanynda qaýipti órmekshiden barlyǵy 81 bas mal zardap shekken. Onyń 10-y em alyp jatyr, al 23-i ólgen.
Inder aýdany ákimdiginiń baspasóz qyzmetiniń habarlaýynsha, jergilikti turǵyndar arasynda da zardap shekkender bar.
- Alǵashqy derek 29 mamyrda tirkeldi. Barlyǵy toǵyz adamdy: jeti eresekti jáne eki mektep oqýshysyn shaqqan. Balalar jeti jáne 15 jasta. Segiz adam stasıonarlyq, bir adam ambýlatorııalyq em alǵan, - delingen habarlamada.
Atyraý turǵyndary da qaraqurttardy baıqaǵan. Olar Kóktem shaǵyn aýdanynda paıda boldy. Ázirshe qalada jándikter eshkimdi shaqpaǵan.
