Foto: lada.kz
lada.kz málimetinshe, WhatsApp qoldanýshylary oqıǵanyń 14-shi shaǵyn aýdanda bolǵanyn aıtyp habarlama joldaǵan. Urlyqtan keıin er adam ǵımarattyń jertólesinde bolyp, qyzmettik qarýymen ózine oq atqan.
Oqıǵa ornynda jedel-tergeý toby, dárigerler men SOBR qyzmetkerleri jumys istep, jertólege kiretin esikti qorshaýǵa alǵan. Marqumnyń 1981 jyly týǵan azamat ekeni anyqtaldy.
Qalalyq polısııa departamentiniń baspasóz qyzmeti oqıǵany rastady.
«Urlyq jáne óz-ózine qol jumsaý faktisi boıynsha Aqtaý qalasynyń polısııa basqarmasy qylmystyq isti tirkedi. Qazirgi ýaqytta tergeý sharalary júrgizilip jatyr», dep habarlady departament ókilderi.
Tergeý múddesi úshin ózge de málimetter jarııa etilmeıdi.
