Prezıdent • 02 Shilde, 2024

Qasym-Jomart Toqaev pen Sı Szınpın dostyq ráýishte kezdesý ótkizdi

140 ret
kórsetildi
1 mın
oqý úshin

Astanada Prezıdent Qasym-Jomart Toqaev pen elimizge memlekettik saparmen kelgen Qytaı Halyq Respýblıkasynyń Tóraǵasy Sı Szınpın keshki as formatynda dostyq ráýishte kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.

Qasym-Jomart Toqaev pen Sı Szınpın dostyq ráýishte kezdesý ótkizdi

Foto: Aqorda

Eske salaıyq, búgin QHR Tóraǵasy Sı Szınpın elimizge memlekettik saparmen keldi. Mártebeli qonaqty saltanatpen qarsy alý úshin áýejaıda Qurmet qaraýyly rotasy sap túzep turdy. Sondaı-aq Qazaqstan men Qytaı halyqtarynyń shynaıy dostyǵynyń belgisi retinde balalar eki eldiń jalaýyn jelbiretip, qoshemet kórsetti. Balalar Tóraǵa Sı Szınpın bastaǵan QHR delegasııasyna iltıpat bildirip, qytaı tilinde án shyrqady.

Sapar aıasynda joǵary deńgeıde ekijaqty kelissózder júrgiziledi jáne birqatar mańyzdy qujatqa qol qoıylady dep josparlanyp otyr.