Foto: Saýda jáne ıntegrasııa mınıstrliginiń baspasóz qyzmeti
Arman Shaqqalıvtiń aıtýynsha, Shanhaı yntymaqtastyq uıymynyń sammıti qarsańyndaǵy bul kezdesý mańyzdy sıpatqa ıe, óıtkeni ol saýda salasynda qol jetkizilgen kelisimderdi iske asyrýdyń negizgi baǵyttaryn aıqyndaıdy. 2024 jyl «Bir beldeý – bir jol» jahandyq bastamasyn odan ári ilgeriletý úshin mańyzdy jyl.
«О́tken jyldyń qarasha aıyndaǵy kezdesýde biz ózara saýda kólemin $40 mlrd-qa jetkizý týraly aıtqan bolatynbyz. Búgin taýar aınalymyn aıtarlyqtaı arttyrý boıynsha jańa órshil maqsat qoıyldy. Biz qytaı tarapyna joǵary sapaly standarttalǵan ónimniń kepildi kólemin usynyp, olardyń qajettilikterin qanaǵattandyrýǵa daıynbyz. Eń bastysy, biz QazTrade eksportty ilgeriletý kompanııasy men Eksporttyq-kredıttik agenttiginiń shıkizattyq emes eksportty damytý jáne ilgeriletý jónindegi ulttyq ınstıtýty aıasynda qazaqstandyq bızneske senimdi seriktestik usyna alamyz», dep habarlady Saýda jáne ıntegrasııa mınıstri.
Eki el arasyndaǵy jumys isteýdiń negizgi baǵyty salalyq erekshelikteri men ekonomıkalyq quramdastaryn eskere otyryp, aımaqtandyrý qaǵıdaty boıynsha árbir provınsııamen yntymaqtastyqty damytýǵa baǵyttalǵan. Bul tásil qazirdiń ózinde Sychýan, Szıansý jáne ShUAR provınsııalarynda beıimdelip jatyr.
«Biz qazirdiń ózinde Qytaı úshin negizgi aýyl sharýashylyǵy taýarlary boıynsha oń nátıjelerdi baıqap otyrmyz. О́tken jyldyń osy kezeńimen salystyrǵanda ShUAR-men saýda 50%-ǵa ósti, onyń ishinde eksport 35,3%-ǵa artty. Sychýan provınsııasyna eksport 30%-ǵa, al Szıansýǵa eksport 10 eseden astam ósti. Osy jyldyń qyrkúıek aıynda Nankınde «Ortalyq Azııa – Szıansý» iri saýda ortalyǵy ashylady», dep qosty Arman Shaqqalıev.
Mınıstrdiń aıtýynsha, mańyzdy baǵyttardyń biri - Ortalyq Azııa taýarlaryn ilgeriletý jáne aımaq ónimderin Qytaıdyń elektrondyq kommersııa platformalaryndaǵy Ortalyq Azııa onlaın pavılony nemese C5+Qytaı formatyndaǵy saýda alańynda ıntegrasııalaý. Qytaıdyń Alibaba.com (B2B segmentinde) jáne jd.com (B2C segmentinde) iri marketpleısterimen yntymaqtastyq ornatylǵan.
«QHR-men saýda-kólik baılanysyn jaqsartý aıasynda biz Ortalyq Azııa ónimderin Qytaı naryǵyna qoljetimdilikti jaqsartý úshin elektrondyq saýda, saýda baılanysy jáne aımaqtyq joba «Qytaı - Ortalyq Azııa» bastamasyn usynýdy usynamyz. Munda qytaı tarapynan seriktester men olardyń resýrstaryn tartý, al bizdiń tarapymyzdan QazTrade-ti tartý usynylady, ol bul jobany iske asyrýda Qytaıdaǵy áriptestermen yntymaqtastyqta ádistemelik jáne konsýltasııalyq qoldaý kórsetedi», dep atap ótti mınıstr.
Sonymen qatar QHR Kommersııa mınıstri Van Ventao sapar aıasynda QHR Kommersııa mınıstrligi Qazaqstan Úkimetimen saýda, energetıka, aýyl sharýashylyǵy, kólik jáne basqa da salalardy qamtıtyn jol kartasyna qol qoıatynyn atap ótti.
«Elektrondyq kommersııa salasyndaǵy yntymaqtastyǵymyz aıasynda biz osy baǵytta kishi komıtetimiz aıasynda jumys tobyn qura alamyz. Biz sondaı-aq qazaqstandyq eksporttaýshylardy Qytaı naryǵynda qoldaý kórsetip, QazTrade kompanııasymen tyǵyz yntymaqtasýǵa daıynbyz. Bizdiń mınıstrlikte osy yntymaqtastyq aıasynda praktıkalyq mindetterdi oryndaıtyn Saýda damýy bıýrosy jumys isteıdi», dedi QHR Kommersııa mınıstri Van Ventao.
Kezdesý sońynda Arman Shaqqalıev Qazaqstannyń Shanhaı kórmesine qatysýdy jalǵastyrýǵa nıetti ekenin jáne qazaqstandyq kompanııalardyń qatysýyn uıymdastyrýda kómek pen qoldaý kórsetkeni úshin QHR Kommersııa mınıstrligine alǵysyn bildirdi.
