Foto: Aqtóbe oblysy ákimdigi
3 shilde kúni Aqtóbe qalasynyń Polısııa departamenti «Ekopatrýl» profılaktıkalyq is-sharasyn uıymdastyrdy. Is-shara barysynda polısııa qyzmetkerleri abattandyrý erejesin buzýshylarǵa eskertý jasap, tártip pen tazalyqty saqtaýǵa shaqyrdy. Sondaı-aq jaýapkershilik pen ákimshilik jazalar týraly 200-den astam paraqsha taratqan. «Ekopatrýl» is-sharasy elimizde sáýir aıynda bastalǵan «Taza Qazaqstan» aksııasyna polısııanyń zor úles qosyp otyrǵanyn kórsetti.
«О́tken úsh aıdyń ishinde kópshiliktiń jumyla jasaǵan jumystarynyń nátıjesinde aınalamyz tazaryp qaldy. Árkim ózi júrgen jerdi taza ustap, qalany jaıly ári ádemi etýge tyrysyp jatyr. Búgin Aqtóbe sý qoımasynyń jaǵasynda «Jasyl sgoѕѕ 2024» ploggıng-marafon ótken. Ploggıng - júgirýdi qoqys jınaýmen biriktiretin ekologııalyq qozǵalys. Bul sóz shved tilinen aýdarǵanda «plocka upp» jáne «jogging» degen eki uǵymnan turady», dep habarlady oblys ákimdiginiń baspasóz qyzmeti.
Jastar yrǵaqty mýzykanyń áserimen sý qoımasy jaǵalaýyndaǵy shashylǵan qoqysty tez jınap tastaǵan. Jigitter qoqys salýǵa arnalǵan qapshyqtaryn tezirek toltyrýǵa tyrysqan, óıtkeni marafonda kim jyldam, kim kóbirek jınaıdy, sol jeńiske jetedi degen uǵym bolǵan.
Kóptiń jumylyp jumys isteýiniń nátıjesinde 18 tonna qoqys jınaldy. Qaǵazdar, plastıkalyq, shyny bótelkeler, paketter — qoqystar jastar jınap alǵansha jelmen birge ushyp, shashylyp, jaǵalaýdyń sánin ketirip tur edi. Áp-sátte aınala jaınap shyǵa keldi — jaǵalaý tazaryp, sáni kirip qalǵan.
Aıta keteıik, bul «Taza Qazaqstan» aksııasy aıasynda uıymdastyrylǵan birinshi jáne sońǵy is-shara emes.
Aqtóbelikter Memleket basshysynyń elimizde tazalyq jumystary men senbilik ótkizýge qatysty usynysyn zor yqylaspen qabyldady.
Sandyq málimetterge súıensek, 6 sáýirden bastap oblys boıynsha kógaldandyrý, sanıtarlyq tazalyq jáne eldi mekenderdi abattandyrý boıynsha eki aılyq aksııa uıymdastyrylǵan.
«Taza Qazaqstan» aksııasyna 213 954 turǵyn qatysyp, 5 993 mekeme men kásiporyn jumyldyryldy. 18 982 aýla tazartyldy, onyń 2 326-sy - kópqabatty úılerge, 16 656-sy - jeke úılerge tıesili. Eriktiler eńbek ardagerleriniń, qarttar úıleriniń aýlalaryn retke keltirdi.
276 saıabaq pen gúlzardyń qoqysy jınaldy. Qala men eldi mekenderde 285 910 aǵash pen 6 350 kóshet egildi. Kógaldandyrýǵa «Jasyl el» eńbek jasaǵynyń jastary da belsene aralasty.
Úsh aı ishinde barlyǵy 205 sý aıdynynyń jaǵalaýy (ózender, kólder, bulaqtar) qoqystan tazartyldy. 41 jasandy sý qoımasy men sýburqaqtardyń aınalasy, 84 526 metr aryq tazartyldy. Bulaqtardyń aınalasy tazartylyp, qorshaýlar men oryndyqtar syrlanyp, aǵashtar áktelgen.
256 tarıhı-mádenı eskertkishtiń aınalasy tazartylǵan.
Alańdardy tazalaýǵa 2 866 birlik tehnıka jumyldyryldy. Qoqys polıgondaryna 30 905 tonna qaldyq shyǵarylǵan.
