Maqala avtorynyń jazýynsha kórermen nazaryna alǵash ret usynylyp otyrǵan biregeı qundy jádiger – burama qaǵaz túrinde jasalǵan paıǵambarlar shejiresi. Uzyndyǵy – 4 m, 45 sm quraıtyn shejireniń eni – 25 sm.
Sondaı-aq kórmege orama qaǵaz túrinde jasalǵan erekshe qoljazba Quran nusqasy (uzyndyǵy – 9 m, 50 sm., eni – 2,5 sm.) qoıylyp, 114 súre mátini óte usaq áriptermen bólek-bólek terilip berilgen eken.
«Hronologııalyq turǵydan qarastyrar bolsaq, qordaǵy Qurannyń eń kónesi 1054 hıjrı/1643 mıládı jyldary jaryq kórgen. Olardyń deni Shyǵystyń kóne qalalary Ystanbul, Mýmbaı, Mysyr baspahanalarynda, Reseıdiń Peterbor, Qazan sııaqty iri ortalyqtary men Omby, Orynbor, Tashkent, Samarqan shaharlarynyń kóne baspalarynda basylyp shyqqan», dep jazady avtor.
Maqalada kórmege kelgen kópshiliktiń qyzyǵýshylyǵyn týdyrǵan birneshe kitaptar da aıtylady.
Avtor maqalasyn: «Qazirgi ýaqytta túrli aǵymnyń jeteginde ketken jas býyndy ıslam mádenıetimen sýsyndatýda osyndaı sharalardyń mańyzdy ról atqaratynyn atap ótken Memlekettik Ortalyq mýzeı dırektory Rashıda Harıpova, ıslam búkil adamzattyń rýhanı kemeldenýine jáne mádenıeti men órkenıetiniń damýyna zor úles qosqanyn, mýzeı qoryndaǵy qundy jádigerlerge sheteldik ǵalymdar men dintanýshylar aıryqsha qyzyǵýshylyq tanytyp otyrǵanyn jetkizdi», dep aıaqtaǵan.
Maqalanyń tolyq nusqasyn myna silteme arqyly oqı alasyz.
