Bul derekti Shymkent qalalyq Polısııa departamenti málimdedi, dep habarlaıdy Egemen.kz.
- Kámeletke tolmaǵan balalarǵa tárbıe berý mindetin durys atqarmaǵany úshin kúdiktiniń áıeline qatysty qylmystyq is qozǵaldy. Qazir tergeý amaldary júrgizilip jatyr, – dep jazylǵan habarlamada.
Buǵan deıin Shymkentte asyrap alǵan ata-anasy balalardy aıaýsyz qorlaǵany BAQ-ta keńinen jazylǵan.
Bala quqyqtary jónindegi ýákil Dınara Zakıeva áleýmettik jelidegi paraqshasynda Shymkentte asyrap alynǵan balalarǵa qatysty jantúrshigerlik jaıttardy aıtty.
- Bul qylmys boıynsha aqpan aıynan beri QR IIM, Bas prokýratýra jáne Shymkent qalasynyń Balalar quqyqtary jónindegi ýákilimen birlese jumys istep kelemiz. Bul oqıǵada biraz sumdyq bar. Sonyń biri, balalardyń úlkeniniń sózinshe, asyrap alýshylar balalarǵa zár ishkizip, nájispen tamaqtandyrǵan. Is sotqa jiberildi. Sondaı-aq, olar balaǵa tıesili aqshany eshkiler satyp alýǵa jumsap, balaǵa baqqyzyp qoıǵandary týraly derek bólek tergelip jatyr. Bul jaǵdaıda balalardyń úlkeniniń denesindegi kógergen jerlerdi kórgen mektep muǵalimderi jáne qamqorshylyq organdaryna suraq kóp. Olarǵa qatysty da qylmystyq ister qozǵaldy, tergeý júrip jatyr, - deıdi Dınara Zakıeva.
