Foto:inform.kz
«Balanyń anasy jumys isteý maqsatynda kútýshiniń qyzmetterine júgingen. Al kútýshiniń 38 jastaǵy kúıeýi tórt aı boıy balaǵa zorlyq-zombylyq kórsetip kelgen. Keıin ony birneshe ret uryp, mert qylǵan. Artynsha balanyń máıitin sómkege salyp, kóshedegi ájethanalardyń birine laqtyryp jibergen», dep túsindirdi Qylmystyq ister jónindegi mamandandyrylǵan aýdanaralyq sot ókilderi.
Balanyń máıiti 2023 jylǵy qyrkúıek aıynda Semeı mańyndaǵy tas jol boıyndaǵy dárethanadan tabyldy.
Sottalýshy 9 jasar týǵan qyzyna da jynystyq sıpattaǵy azǵyndyq jasaǵany anyqtaldy.
Sot aıyptalýshyny barlyq qylmys boıynsha kináli dep tanyp, ómir boıyna bas bostandyǵynan aıyrdy.
Al onyń áıeli balalardyń ómiri men qaýipsizdigin qamtamasyz etý jónindegi mindetterdi tıisinshe oryndamaǵany úshin 2,5 jylǵa sottaldy.
