Qujattardy kez kelgen JOO (ornalasqan jeri boıynsha) arqyly tapsyrýǵa bolady.
Sonymen qatar Ǵylym jáne joǵary bilim mınıstrligi bilim berý granttaryn taǵaıyndaý konkýrsyna qujattardy qabyldaý eGov arqyly onlaın formatta júzege asyrylatyndyǵyn esterińizge salyp otyr. Sondaı-aq JOO-da vırtýaldy qabyldaý komıssııalary jumys isteıdi.
- Bıyl bakalavrıatqa túsý úshin 79 myńǵa jýyq grant bólinip otyr. Granttardyń basym bóligi «Injenerlik, óńdeý, qurylys salalary» bilim berý baǵdarlama toptaryna bólindi, olardyń sany 19 344 grantty quraıdy. Al «Pedagogıkalyq ǵylymdarǵa» – 13 735 grant, «Aqparattyq-kommýnıkasııalyq tehnologııalar» salasyna – 10 903 grant, «Jaratylystaný ǵylymdary, matematıka jáne statıstıka» baǵytyna – 8 288 grant tıesili, - delingen mınstrliktiń habarlamasynda.
Alǵash ret ishinara oqý aqysy bar saralanǵan granttar engizildi. «Pedagogıkalyq ǵylymdar» jáne «Áleýmettik ǵylymdar, jýrnalıstıka jáne aqparat» baǵyttary boıynsha 150 saralanǵan granttan bólingen.
Sondaı-aq «Serpin» baǵdarlamasy arqyly túsýshilerge 3 903 grant bólingen. Granttar tiziminde 5 000 halyq tyǵyz qonystanǵan jáne batys óńirlerdiń jastaryn jetekshi joǵary oqý oryndarynda oqytý úshin maqsatty bilim berý granty bar.
Eske sala ketsek, 139 myńǵa jýyq talapker UBT-da shekti ball jınaǵan, olar grant konkýrsyna qatysa alady. Bilim berý granty ıegerleriniń tizimi 10 tamyzǵa deıin jarııalanady.
