Foto: Týrızm jáne sport mınıstrligi
Ulttyq qurama boksshysy Nazym Qyzaıbaı Parıj Olımpıadasynyń jartylaı fınalynda Hanchjoýdaǵy jazǵy Azııa oıyndarynyń jeńimpazy, álem chempıony qytaılyq Ý Iýdan jeńilip qaldy. Osylaısha ol Olımpıadanyń qola júldesin mise tutty. Aıta keteıik, bul bokstan Qazaqstan quramasynyń birinshi medali.
«Qazaqstan boksshysyn rıngte kórsetken tamasha jekpe-jegimen jáne Olımpııa oıyndarynyń qola júldesimen shyn júrekten quttyqtaımyn! Jekpe-jekte tóreshiler Nazymnyń qolyn kótermese de, otandasymyz sharshy alańda jeńis úshin aıanyp qalǵan joq. Rıngte óz sheberligin, jeńiske degen erik-jigerin kórsete bildi. Qazaqstan boks álemindegi eń úzdik quramalardyń biri ekenin dáleldedi. Bul júldede jattyqtyrýshylardyń da eńbegi zor. Osylaısha, Qazaqstan qorjyny taǵy bir medalmen tolyǵyp otyr. Biz sportshylarymyzben maqtanamyz. Tek alǵa!», dedi Týrızm jáne sport mınıstri Ermek Marjyqpaev.
