Mádenı mura – Praga tórinde

Kórmeniń ashylý sal­tanatyna Al­ma­ty jáne Praga qala­larynyń, Chehııanyń mem­lekettik, qoǵamdyq jáne mádenı toptarynyń, Pra­gada akkredıttelgen dıplo­ma­tııalyq korpýstyń, son­daı-aq jergilikti BAQ ókil­deri qatysty. Is-sharaǵa qaty­sý­shylar aldynda Qazaqstan Res­pýblıkasynyń Cheh Respýb­lı­kasyndaǵy elshisi Baqyt Dúısenbaev, Almaty qalasy máslıhaty tóraǵasynyń min­detin atqarýshy Ásııa Aqanova, Almaty qalasy murajaılar birlestiginiń dırektory Lázzat Saǵyndyqova jáne Praga qa­lasy mýzeıiniń dırektory Ivo Masek quttyqtaý sóz sóıledi.

B.Dúısenbaev óz sózinde elder men halyqtar ara­syn­daǵy dostyq qatynas­tar­dy damytýdaǵy mádenı dıp­loma­tııanyń mańyzdylyǵyn atap ótti. Almaty qalasy ákim­digi men máslıhatynyń, Praga qalasy merııasynyń jáne Qazaqstan Respýblıkasy­nyń Chehııadaǵy elshiliginiń qol­daýy­ arqasynda júzege ­asy­rylǵan bul mádenı jo­ba­ eki el halyqtaryn jaqyn­das­­tyrý jolyndaǵy kezek­ti qa­dam boldy. Sondaı-aq dıp­lomat qonaqtardy 8–13 qyr­kúıekte Astanada ótetin V Dú­­nıe­júzilik kósh­peliler ­oıy­ndary týraly habardar ete otyra, olardy kóshpeli­ler­diń dástúrleri men máde­nıe­tin óz kózimen kórý úshin osy erekshe is-sharaǵa qatysýǵa shaqyrdy.

Baǵdarlamanyń mádenı bó­liginde «Alataý» dástúrli óner teatrynyń ártisteri óner kórsetip, tanymal ha­lyq áýenderi men belgili qa­zaq kompozıtorlarynyń shy­ǵar­malary oryndaldy. Sonymen qatar is-shara qonaqtaryna dástúrli qazaq taǵamdary – qurt, irimshik, jent, qazy usynyldy.

31 tamyzǵa deıin jal­ǵasa­tyn kórmede Almaty qalasy murajaılar birlestiginiń qo­rynan 220-dan astam eksponat usynylǵan. Ekspozısııanyń negizinde qazaq halqynyń ómi­ri men turmysy, salt-dástúri, qoldanbaly óneri týraly baıan­daıtyn etnografııalyq artefaktiler, qazaq halyq mýzykalyq aspaptary, sondaı-aq Almaty qalasynyń tarıhy men qazirgi ómiri týraly baıandaıtyn fotosýretter bar.

Osy kórme arqyly Praga turǵyndary, sondaı-aq Chehııa astanasynyń qonaqtary qazaq­tardyń tarıhyna kóz jibe­rip, mádenıetimen, turmysy­men tanysa alady. «Ýaqyt kerýe­ni» kórmesi – Qazaqstan men Chehııa­nyń mádenıetaralyq dıa­lo­gin jalǵastyryp, kelý­shi­lerge darqan qazaqtyń kósh­peli órkenıetiniń baı mura­syn pash eteri sózsiz.