foto: gov.kz
Vedomstvonyń málimetinshe, 2024 jyldyń alǵashqy alty aıynda Qazaqstanda pnevmonııanyń 49 704 jaǵdaıy tirkelgen, bul ótken jyldyń sáıkes kezeńimen salystyrǵanda 19,2 paıyzǵa artyq. Salystyrmaly túrde 2023 jyly pnevmonııanyń 123 910 jaǵdaıy tirkelse, onyń 40 144 jaǵdaıy alǵashqy alty aıda bolǵan.
Koronavırýstyń mýtasııasyna qatysty Densaýlyq saqtaý mınıstrligi qazirgi ýaqytta elde, sondaı-aq búkil álemde Omıkron JN.1 shtamm nusqasynyń aınalymy basym ekenin atap ótti. Qazaqstandaǵy genetıkalyq zertteýlerdiń sońǵy málimetteri kelesi nusqalardyń bar ekenin rastaıdy: JN.1.13 - 61 paıyz; JN.1.18 - 22 paıyz jáne JN.1 - 8,7 paıyz.
«Dúnıejúzilik densaýlyq saqtaý uıymynyń málimeti boıynsha, JN.1 shtammy halyqtyń densaýlyǵyna joǵary qaýip tóndirmeıdi jáne onyń joǵary juqpalylyǵyna qaramastan, bul shtamm asa aýyr aýrý týǵyzbaıdy», dep túsindirdi mınıstrlik.
