ASTANA. 12 maýsym. Qyzylordada óńirlik Kásipkerlik palatasy bilim ordalarynda «Kásipkerlik negizderi» pánin tolyqtaı engizý baǵytynda jumys júrgizýde.
Atap aıtqanda Kásipkerler palatasy men oblystyq bilim basqarmasy jáne «Jastar jetistikter» qoǵamdyq qory birigip mektep oqýshylaryn kásipkerlikke baýlý jobasyn iske asyrýda. Bul týraly egemen.kz habarlady.
О́tken oqý jylynda jobanyń alǵashqy kezeńi retinde №9 mektep-gımnazııasynda 5-10 synyp oqýshylaryna arnalǵan «Kásipkerlik negizderi» fakýltatıvtik páni engizildi.
Al jobanyń 2 kezeńinde oblystaǵy 40 muǵalim «Kásipkerlik negizderi» kýrsy boıynsha biliktilikterin arttyrdy. Sondaı-aq, ustazdar «Araı-Sunrise» lagerinde uıymdastyrylǵan «Tabys joly» atty I jastar festıvaline qatysty.
Aıta keteıik, biliktiligin arttyrǵan ustazdar óz mektepterinde mektep «kompanııalaryn» ashyp, oqýshylardy kásipkerliktiń qyr-syryna úıretýge kóshti. Al aımaq boıynsha 23 mektep kompanııasy qatysqan festıvalǵa «Petro Qazaqstan Qumkól Resorsız» aksıonerlik qoǵamy men «Raım» jaýapkershiligi shekteýli seriktestigi demeýshilik jasady.
Baıqaý nátıjesi boıynsha jarys jeńimpazdary bolyp: I orynǵa Qyzylorda qalasynyń №9 gımnazııanyń «Atameken» mektep kompanııasy, II orynǵa Jalaǵash aýdany № 123 mekteptiń «Birlik», III orynǵa № 173 orta mekteptiń «Ádemi-Aı» mektep kompanııalary ıe bolsa, IV orynǵa M.Mámetova atyndaǵy Qyzylorda gýmanıtarlyq kolledjiniń «Altyn qol» kompanııasy qol jetkizdi. Jeńimpazdar dıplomdarmen, qarjylaı syılyqtarmen, arnaıy sertıfıkattarmen marapattaldy.
Talǵat Raıymbek.
Derek, sýret: Qyzylorda oblysy kásipkerlik palatasynyń baspasóz qyzmeti.
