Aqtaýda iri kólemde aqsha jymqyrǵan býhgalter sottaldy

AQTAÝ. 12 maýsym. Aqtaýda birneshe seriktestikten iri kólemde aqsha jymqyrǵan býhgalter sottaldy. Bul týraly egemen.kz tilshisi habarlady. 54 jastaǵy býhgalter áıel 7 jyldan beri ózi qyzmet jasaıtyn jaýapkershiligi shekteýli seriktestiginde aqsha jymqyrýmen aınalysyp kelgen. Tergeý nátıjesi ol qoldy etken aqshanyń kólemi 8 mln. teńgeden astam ekendigin anyqtady. Alǵashynda Aqtaý qalasyndaǵy bir JShS-men aradaǵy kelisim talaptaryn buza otyryp, 2010-2012 jyldary óz qyzmettik ókilettiligin paıdalanǵan ol JShS esebinen ekinshi deńgeıli banktegi jeke nesıesin ótegen. Odan ári JShS esebinen 4 mln. teńgeni basqa esepke zańsyz aýdarǵan áıel 150 myń teńgeni JShS-da jumys jasamaıtyn týysynyń kartasyna aýdarady. Osylaısha, býhgalter atalǵan JShS-ǵa 5 mln. teńgeden astam materıaldyq shyǵyn ákeledi. Odan ári ol ózge JShS-daǵy bas býhgalterlik qyzmetin paıdalanyp, oǵan da 3 mln.-nan astam shyǵyn keltirgen. Aqtaý qalalyq soty aqsha jymqyrǵan áıeldiń jeke múlkin tárkilep, býhgalterlik jáne kassırlik qyzmetpen 5 jylǵa deıin aınalyspaýǵa sheshim shyǵaryp, ózin 7 jylǵa bas bostandyǵynan aıyrý týraly úkim shyǵardy. Sondaı-aq, ol JShS-larǵa ózi keltirgen shyǵyndaryn óteıtin bolady. Gúlaıym Shyntemirqyzy. Derek: egemen.kz. Sýret: kokshetau.asia