Foto: Týrızm jáne sport mınıstrligi
28 tamyz ben 8 qyrkúıek aralyǵynda Parıjde Paralımpıada oıyndary ótedi.
Osy oıyndardyń ashylý saltanatynda el týyn otyryp oınaıtyn voleıboldan Azııa Paralımpıada oıyndarynyń júldegeri, Qazaqstan chempıonatynyń on dúrkin jeńimpazy Berik Izmaǵanbetov pen para oq atýdan Qazaqstan chempıonatynyń jeńimpazy Sevda Alıeva ustaıdy.
Oljas Bektenov kezdesýde ulttyq paralımpıada quramasyna tabys tiledi.
«Paralımpıada – bul jaı ǵana sport emes, bul adam boıyndaǵy qaısar rýh pen sheksiz erik-jigerdiń shynaıy kórinisi. Sizderdiń jeńiske degen qushtarlyq, beıbit kúnniń batyrlaryna tán qaharmandyq qasıetterińiz qandaı qurmetke de laıyq. Mıllıondaǵan adam janqııarlyq eńbek pen ór minezden shabyttanyp, ómirdegi qıyndyqtardy eńserýdi úırenedi. Búgin ózderińizge tabys etip otyrǵan kók týymyz – aıbyndy rýhymyz ben myzǵymas birligimizdiń, jarqyn jeńistiń nyshany. Memleket basshysy álemniń eń basty sport saıystarynda el namysyn qorǵaý mártebeli mindet ári zor jaýapkershilik ekenin aıtty. Sizder halyqaralyq arenada Qazaqstandy laıyqty dárejede tanytyp, elimizge joǵary nátıje, jańa júldemen oralatyndaryńyzǵa senimdimiz», dedi Oljas Bektenov.
Aıta keteıik, Parıjdegi Paralımpıadada 44 el atleti 9 sport túrinen júldege talasady.
