Manett Beılı esimdi keıýana osy kúndi asyǵa kútken. «Adamdar árqashan jańa nárseni izdeýi kerek. Máselen, men eki jyl buryn, ıaǵnı 100 jasqa tolǵan shaǵymda «Ferrarı» kóligimen saǵatyna 209 shaqyrym jyldamdyqpen Sılverstoýn tasjolyn júrip óttim. Desantshynyń áıeli bolsam da, parashıýtpen sekirgen emespin. Mine, búgin taǵy bir armanym oryndaldy. Aıtarym, 80 jastan keıin de ónimdi hám kóńildi ómir súrińizder», deıdi ol.
Maıtalmandar monetasy
Elimizdiń Ulttyq banki «Este qalatyn oqıǵalar men birtýar adamdar» serııasymen «raqymjan qoshqarbaev. 100 jyl» jáne «kemel aqyshev. 100 jyl» kolleksııalyq monetalaryn aınalymǵa shyǵarady.
Monetalar melhıor qospasynan (MN 25) jasaldy, massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 200 teńgelik, taralymy – 5 000 dana. Olardy kazcoins.nationalbank.kz ınternet-dúkeni arqyly satyp alýǵa bolady. Aıta keteıik, monetanyń barlyq túrin elimizdiń búkil aýmaǵynda óziniń belgilengen qunymen tólemniń kez kelgen túrinde qabyldaýǵa, bank shottaryna esepke alýǵa, aýdarýǵa, usaqtaýǵa jáne aıyrbastaýǵa bolady.
Táýekelshil talant
Akrobat Ǵalymjan Áýesbaı 9 oryndyqtyń kómegimen 3 200 metr bıiktikti baǵyndyrdy. Iаǵnı ol Shymbulaqtaǵy shyń basynda ekstremaldy ádis jasap, jurtty tańǵaldyrdy.
Boıdaǵy bar múmkindigin kórsetýdi maqsat etken akrobattyń osy ónermen aınalysyp kele jatqanyna 11 jyl bolypty. Ol buǵan deıin Qytaıdaǵy talanttar shoýynyń fınalyna shyǵyp, Italııada ótken halyqaralyq saıysta bas júldeni jeńip alǵan. «Barlyq oryndyǵymnyń syzbasyn saldyryp, arnaıy daıyndattym. О́ıtkeni muny basqa oryndyqpen jasaýǵa bolmaıdy. Keıingi úsh jylda Anglııada jattyqtym. Qolymnan keletin dúnıeler ishte qalyp ketpeı, barshaǵa kóriný kerek dep oılaımyn. О́zime júz paıyz senimdi bolǵan kezde ǵana óner kórsetemin», deıdi ol.
