Konstıtýsııa qurdastary

Bul jas mamandar búginde memle­kettik qyzmette eńbek etip, elimizdiń damý jolynda óz izderin qaldyryp keledi. Onyń arasynda jas ta bolsa bas bolyp, basshylyq laýazymdarda júrgenderi de az emes. Konstıtýsııamen qurdas saqshynyń biri – oblystyq PD Aqparattandyrý jáne baılanys basqarmasynyń basshysy, polısııa kapıtany Bek Shamıl.

– Men Ata zańymyz qabyldanǵan jyly dúnıe esigin ashqan eken­min. Elimizdegi basty qujat – Konstı­týsııanyń tól qurdasymyn. Baqytty balalyq shaǵymdy otbasymnyń ortasynda alańsyz ótkizdim. Bul eldegi tynyshtyq pen táýelsizdiktiń arqasy dep sanaımyn. Armanymdy iske asyrý baǵytynda ishki ister salasyna qyzmetke ornalasyp, búginde osy qurylym­nyń qazanynda qaınap, shyńdalyp júr­min. Aldyńǵy býyn aǵalardyń jolyn jalǵap, jumy­symdaǵy jaýap­kershilikti sezinemin. Mereke qar­sańynda bar­shańyzdy quttyqtap, eli­mizge amandyq tileımin, – dedi polısııa kapıtany Bek Shamıl.

Ras, eldiń negizgi zańy el hal­qy­nyń erik-jigerin, olardyń memleketti demokratııalyq, zaıyr­ly, qu­qyqtyq jáne áleýmettik memleket retinde qurýǵa degen umtylysyn kórsetedi. Aıtýly merekege oraı er­li­gimen, eńbegimen kózge tús­ken polıseıler de marapattaldy. Me­reke qarsańynda Túrkistan obly­synyń 180-nen asa tár­tip saqshysy marapattalyp, qyzmet babynda qaza tapqan polıseılerdiń analary men jarlaryna da syı-qurmet kórsetildi.

Jıyn birinshi kezekte qyzmettik boryshyn atqarý kezinde qaza tap­qan polıseılerdiń analary men jubaı­laryna syı-qurmet kórsetýden bas­taldy. Juldyzy erte sóngen po­lı­seılerdiń týystaryna estelik syı­lyq­tar men Alǵyshattardy oblys­tyq polısııa depar­tamentiniń basshysy Murat Qabdenov tabys etti.

Merekelik is-sharalarda umyt­paı, elep-eskerip, quttyqtap, shaqyr­tý jiberip turatyn polısııa bas­shy­lyǵyna qaza tapqan polıseı Muhtar Dáýrenbekovtiń jubaıy Dına­ra Jıp­sybaeva alǵysyn jetkizdi.

Sondaı-aq Konstıtýsııa kúni qar­sańynda jeke quramǵa Ata zańy­myzdyń jalpy tarıhy beınelengen hronıkalyq-derekti fılm kórse­tildi. Fılm Otanǵa súıis­penshi­lik, qyzmettik borysh­qa adal­dyqty qalyptastyryp, qyzmet­kerler­diń rýhyn kóterý maqsatynda tú­sirilgen. Derekti fılmdi tamashalaǵan tártip saqshylary táýelsizdik alǵan jyldan búgingi kúnge deıingi aralyqta elimiz júrip ótken joldar, Ata zańy­myz­dyń ornyǵýy, ústemdigi týraly habardar boldy. Is-shara sońy elimizge tany­mal ónerpazdardyń án sha­shýy­men ulasty. Polıseı ánshi-óner­li qyzmetkerlermen qatar sahnada Nur­jan Tólendıev, Baqytjan Musta­faev, «Semser» tobynyń jigitteri án shyrqap, kópshilikke kóterińki kóńil-kúı syılady. Polısııa general-maıory Murat Qabdenov halyq pen elge qyzmet etýdi ózine azamattyq borysh sanaǵan tártip saqshylaryn marapattarymen quttyqtaı otyryp, eńbekterine tabys, qyzmette abyroı tiledi.

Raýshan NARBEK,

jýrnalıst

Túrkistan oblysy