Foto: Ashyq derekkóz
«Qurmetti sarbazdar men matrostar, serjanttar men starshınalar, ofıserler men generaldar! Ardaqty ardagerler!
Qadirli otandastar! Sizderdi Konstıtýsııa kúnimen quttyqtaımyn!
Osydan jıyrma toǵyz jyl buryn respýblıkalyq referendýmda Qazaqstan halqy jańa Ata Zańǵa daýys berip, irgesi myqty quqyqtyq, demokratııalyq jáne áleýmettik memleketti qurý jolynda tarıhı qadam jasady.
Ata Zańda qazaqstandyq qoǵamnyń materıaldyq jáne rýhanı ómirin jańǵyrtýdyń strategııalyq maqsattary men mindetterin júzege asyrýǵa múmkindik beretin qoǵam men memleketti uıymdastyrýdyń basty qaǵıdattary bekitilgen. Konstıtýsııa halyqtyń birligin, qoǵamdyq jáne rýhanı kelisimin nyǵaıtyp, egemendik pen saıası turaqtylyqtyń kepiline aınaldy.Irgesi berik jáne shekarasy myǵym memleket qurý úshin qashanda Qarýly kúshterdiń róli zor.
Qazirgi ýaqytta áskerimiz elimizdi syrtqy qaýipterden qorǵaýdyń jáne halqymyzdyń tynyshtyǵyn saqtaýdyń kepili.
El Prezıdenti – Qarýly Kúshterdiń Joǵarǵy Bas qolbasshysy Q.K. Toqaev joǵary halyqaralyq standarttarǵa saı keletin zamanaýı jáne kásibı armııa qurýǵa bar kúsh-jigerdi baǵyttaýda.
Búginde Qarýly kúshter zamanaýı tehnıkamen, onyń ishinde otandyq qorǵanys ónerkásip kesheni ónimderimen de jaraqtandyrylýda. Basqarý júıesine jańa tehnologııalar men basqarýdyń jańa júıeleri belsendi túrde engizilip jatyr. Áskerdi daıarlaýdyń qarqyny men sapasy artyp keledi. Qazaqstan jaýyngerleri halyqaralyq oqý-jattyǵýlar men jarystarda joǵary kásibı deńgeıin kórsetip júr.
Qarýly kúshterdiń barlyq jeke quramyn, ardagerlerdi jáne barlyq qazaqstandyqtardy Konstıtýsııa kúnimen shyn júrekten quttyqtaımyn!
Barshańyzǵa zor densaýlyq pen otbasylaryńyzǵa amandyq tileımin. Elimizdiń gúldenip, órkendeýi jolynda jasap jatqan ıgi isterińiz berekeli bolsyn», delingen quttyqtaýda.
