Foto: Facebook
«Dúbirli dodada qaryndasymyz paradzıýdodan J2 sanatynda synǵa túsip, altyn júldege qol jetkizdi. El mártebesin asqaqtatqan osy bir jeńispen chempıonymyzdy jáne barshańyzdy shyn júrekten quttyqtaımyn! Osylaısha, el namysyn qorǵaǵan atletterimizdiń arasynan eki birdeı altyn júldeger shyǵyp otyr. Bul – Qazaqstan úshin Paralımpıada tarıhynda buryn-sońdy bolmaǵan úzdik kórsetkish», dep jazdy Máýlen Áshimbaev jelidegi paraqshasynda.
Sondaı-aq jazba ıesi el qorjynynda bir kúmis jáne bir qola medal bar ekenin aıta kele, voleıboldy otyryp oınaýdan ulttyq quramamyzdyń 5-oryn alǵan jetistigi elimizde komandalyq saıys túrleriniń damýyna zor yqpalyn tıgizetinine senim bildirdi.
«Otandastarymyzdyń Parıjdegi jeńisi keıingi jyldarda elimizde parasportty damytý jolynda atqarylyp jatqan aýqymdy jumystyń nátıjesi ekeni anyq. Aldaǵy ýaqytta parasportshylarymyzdyń budan da bıik belesterdi baǵyndyra berýine tilekshimiz», dep jazdy Senat Tóraǵasy.
