PETROPAVL. 27 sáýir. Ardagerler, jastar ókilderi, úkimettik emes uıymdar, etno-mádenı birlestik jetekshileri, halyq qalaýlylary, saılaý belsendileri atynana ortalyq alańǵa jınalǵan 10 myńǵa jýyq adam «Prezıdenttiń jeńisi–memleket turaqtylyǵynyń kepili!» atty jeńimpazdar forýmyna qatysyp, saltanatty jaǵdaıda atalyp ótti. Bul týraly egemen.kz tilshisi habarlady.
Ortalyq alań merekedegideı bezendirilip, prezıdenttik saılaýda aıqyn basymdylyqpen jeńiske jetken N. Nazarbaevty qoldaǵan plakattar men urandar ilindi.
Jıyndy aımaq basshysy Erik Sultanov ashyp, oblys turǵyndaryn sası sharanyń ashyq, erkin jáne demokratııa talaptaryna saı ótýimen quttyqtap, el damýynyń mańyzdy kezeńine jol ashylǵanyn jetkizdi. «Konstıtýsııalyq quqyqtaryn keńinen paıdalanǵan soltústikqazaqstandyqtar saılaý ýchaskelerine bir kisideı kelip, toptasqandyqtyń, uıymshyldyqtyń joǵary úlgisin tanytty. Tizimdegi saılaýshylardy 97,71 paıyzy óz tańdaýlaryn jasap, jerlesterimizdiń 98,33 paıyzy qazirgi Prezıdentimizge zor senim artty. Beıbitshilik pen tatýlyq úshin óz tańdaýlaryn bildirdi», - dedi óz sózinde Erik Hamzauly.
Jeńimpazdar forýmynda Soltústik Qazaqstan oblysynyń qurmetti azamaty, tyl ardageri Qudaıbergen Qalıev, «Taıynsha-Astyq» JShS-niń dırektory Anatolıı Rafalskıı, Petropavl aýyr mashına jasaý zaýytynyń bas dırektory Qýanysh Bıshimov, Qazaqstan halqy Assambleıasy oblystyq bólimshe hatshylyǵynyń meńgerýshisi Naıl Salımov, jas jýrnalıst Nurgúl Oqasheva, taǵy basqalary sóılep, saılaý Qyzyljar óńiri turǵyndarynyń belsendi azamattyq ustanymy men saıası kózqarasyn aıǵaqtap bergenin, halyqaralyq zań normalarynda saı ótken mańyzdy naýqanǵa qatysty eshqandaı burmalaýshylyqtardyń bolmaǵany sheteldik baqylaý mıssııa ókilderi tarapynan da qýattalǵanyn málimdedi. Saılaýda jastar da azamattyq ustanymen erekshelenip, otan aldyndaǵy jaýapkershilikterin is júzinde kórsete bildi.
Forým «Qyzyljar» «FRT Dýman KZ», «Samǵaý», «Zabııakı» sekildi tanymal óner toptary men ánshi-jyrshylardyń konserttik baǵdarlamasyna ulasty. Ásem áýen kópke deıin Qyzyljar aspanynda qalyqtap turdy.
О́mir Esqalı.
Derek, sýret: egemen.kz
