Fotolardy túsirgen: Erlan OMAR, Egemen Qazaqstan
«Kóshpeliler álemi» dep atalatyn etnoaýylda tek sportshylar men qala turǵyndaryna ǵana emes, kishkentaı balaqaılarǵa da jaǵdaı jasalǵan.
Munda túrli jastaǵy balalar úshin oıyn-saýyq baǵdarlamalary uıymdastyrylǵan. Kishkentaı áýesqoılar ulttyq sport túrileri boıynsha, dálirek aıtqanda, toǵyzqumalaq, arqan tartys, asyq atý syndy oıyndardy oınap kóre alady.
Etnoaýyldarda ejelgi dástúrlerdiń baılyǵy men kóshpeli mádenıettiń máńgilik rýhyn sezinýge bolady. Osynyń barlyǵyn baqylap júrgen ár balaqaıdyń boıynda patrıottyq sezim ulǵaıyp, Otanǵa, salt-dástúrlerge, ulttyq sport túrlerine degen súıispenshilik arta túsedi.
Etnoaýyldaǵy balalarǵa arnalǵan baǵdarlamalar kishkentaı kelýshilerdiń ýaqytyn paıdaly ótkizýge baǵyttalǵan.
Odan bólek, «О́ner ordasy» atalatyn basty sahnada kún saıyn 12:00-den 17:00-ge deıin elimizdiń túkpir-túkpirinen kelgen úzdik aımaqtyq ujymdar óner kórsetip jatyr. Etnofolklorlyq ansamblder, qazaq ulttyq orkestrleri, solıster jáne bı ujymdary dástúrli etnıkalyq stılde ónerlerin pash etip júr.
Tulpardy taı kúninde-aq jazbaı tanıtyn atbegilershe túısek, sadaqty kere tartqan búldirshin qyzdyń túr-tulǵasy baptasań mergen bolardaı eken.
5-shi Dúnıejúzilik kóshpeliler oıyndary – Qazaqstan úshin jyldyń eń mańyzdy oqıǵasy. Aıtýly is-sharaǵa álemniń 89 elinen 2000-nan astam qatysýshy atsalysyp jatyr.
Etnoaýylǵa kelýshiler arasynda da kúshtik, ıntellektýaldyq básekeler tartysty ótip jatyr.
«Shól dala kemesimen» qalada serýen qurǵan baqytty balaqaı.
Saha halqynyń ulttyq sporty mas-restlıng (taıaq tartý) boıynsha kúsh synasyp jatqan kóńildi jastar.
V Dúnıejúzilik kóshpeliler oıyndarynda Qazaqstan quramasynyń asyǵy alshysynan túsip tur. Komandalyq esepte top jarǵan el namysyn bolashaqta bala kúninen asyq atyp úırengen osyndaı búldirshinder qorǵasa kerek...
Mine, etnoaýyldaǵy «balalar álemi» osyndaı. Astanada ashylǵan bes etnoaýyldyń barlyǵy - kishkentaı balaqaılar úshin qyzyqty alań.
Eske sala keteıik, elordadaǵy etnoaýyldarǵa kirý tegin. Al Dúnıejúzilik kóshpeliler oıyndarynyń sporttyq jarystaryna bılet boıynsha kirýge bolady.
