Foto: ru.freepik.com
Qaraǵandy oblysynda ońtústik-batystan, batystan jel soǵady, kúndiz oblystyń batysynda, soltústiginde, shyǵysynda ekpini 15-20 m/s deıin jetedi. Sınoptıkter oblystyń basym bóliginde joǵary órt qaýpi, al shyǵysy men batysynda tótenshe órt qaýpi saqtalatynyn eskertti.
Qostanaı oblysynda soltústik-batystan, batystan jel soǵyp, túnde soltústiginde, batysynda ekpini 15-20 m/s deıin jetedi. Kúndiz de dál sol ekpinmen jel soǵady. Túnde batysynda, soltústiginde topyraq betinde -2 gradýs, úsik júredi dep boljanyp otyr. Oblystyń ońtústiginde joǵary órt qaýpi saqtalady.
Ulytaý oblysynda ońtústik-batystan, batystan jel soǵady, kúndiz ekpini 15-20 m/s jetedi. О́ńirdiń basym bóliginde joǵary órt qaýpi, al soltústigi men ońtústiginde tótenshe órt qaýpi saqtalady.
«Túnde Soltústik Qazaqstan oblysynyń ońtústik-batysynda topyraq betinde -2 gradýs úsik júredi. Soltústik-batystan ekpini 23-28 m/s bolatyn jel soǵady. Aqmola oblysynda batystan, soltústik-batystan jel soǵady, ekpini 15-20 m/s deıin jetedi. Mańǵystaý oblysynyń batysynda, soltústiginde, shyǵysynda naızaǵaı oınaıdy. Oblys boıynsha tótenshe órt qaýpi saqtalady. Sondaı-aq Batys Qazaqstan oblysynyń soltústiginde topyraq betinde -2 gradýs úsik júredi dep boljanyp otyr. Dese de, oblystyń soltústiginde, soltústik-shyǵysynda joǵary órt qaýpi, basym bóliginde tótenshe órt qaýpi saqtalady. Aqtóbe oblysynyń basym bóliginde joǵary, ońtústiginde, batysynda, ortalyǵynda tótenshe órt qaýpi saqtalady», deıdi mamandar.
«Qazgıdromet» habarlaǵandaı, kúndiz Almaty oblysynyń taýly aýdandarynda naızaǵaı oınaıdy. Ońtústik-batystan soǵatyn jel soltústik-batysqa yǵysady, kúndiz oblystyń ońtústiginde, taýly aýdandarynda ekpini 15-20 m/s deıin jetedi.
Qyzylorda oblysynyń basym bóliginde tótenshe órt qaýpi, oblystyń soltústik-batysynda joǵary órt qaýpi saqtalady.
Túrkistan oblysynyń basym bóligi men Shymkent shaharynda tótenshe órt qaýpi saqtalady.
