Elordalyq trýppa – Aspendos sahnasynda

О́ner merekesi, shama­men eki myń jyl bu­ryn salynǵan ejelgi amfıteatrdyń sahnasynda ótti. О́ner ujymy kórermenge «Kar­men-sıýıta» (Alberto Alonso horeografııasy) jáne «A Fuego Lento»/ «Baıaý ot» (Rıkardo Amarante horeografııasy) bir aktili baletterin usyndy. Kar­menniń oqıǵasy sýrettelgen qoıy­lym men tango yrǵaǵyndaǵy bıine tánti bolǵan kelýshiler ystyq yqylasyn bil­dirdi. Bekzat ónerdiń kórermeni ártisterdiń kásibıligi men tehnı­kalyq sheberligin ǵana emes, sonymen qatar ónerge adal­dyǵy men sezimdi jetkize ala­tyn qabileti úshin de joǵary baǵalady.

Spektaklderge teatrdyń je­tek­shi solısteri Qalamqas Oryn­basarova, Súndet Sultanov, Ýeslı Karvalo, basqalar qatysty.

Aıta keteıik, «Astana balet» teatry Túrkııada ótkiziletin tanymal festıvaldarǵa ekinshi ret shaqyrylyp otyr. Bodrým fes­tıvalinde astanalyq ártis­terdiń ónerine tánti bolǵan uıym­dasty­rýshylar balet ujymyn Aspendos festıvaline de arnaıy shaqyrǵan.

Sarapshylardyń aıtýynsha, bul óner dodasy álemdegi úzdik ondyqqa kiredi. Túrkııa Res­pýb­lıkasynyń Mádenıet jáne týrızm mınıstri Mehmet Nurı Ersoı atap ótkendeı, óner, tarıh jáne tabıǵat toǵysqan osy beldi festıval antıkalyq teatr­dyń ǵajap bir atmosferasynda ótip, álemniń túkpir-túkpirindegi ónersúıer qaýymnyń nazaryn aýdarta aldy. Iá, festıvalda máń­gi­lik óner tarıhpen qaýyshyp, tylsym ónerdiń qudiretin pash etedi.

Memlekettik opera jáne balet teatrynyń bas dırektory ári kórkemdik jetekshisi, uıymdas­ty­rýshylardyń biri B.Tan Saq­túrik­­tiń aıtýynsha, festıval baǵdar­lamasyna engen týyndylar ónerdiń biregeı tilinde sóılep, tarıh pen q­azirgi zamandy baılanystyryp tur.

Sátin salǵandaı jeksenbi kúni óner kórsetken astanalyq ártis­terdi tamashalaýǵa barǵan kó­rer­men zalǵa lyq toldy. «Astana ba­lettiń» qoıylymyna arnalǵan úsh myń bılet birden satylyp ketken. Demek Karmenniń qasiretti oqı­ǵasyn sýretteýdiń sheberligi men tangonyń ózindik yrǵaǵy kó­rer­men kókeıinen shyqqany anyq.

Aspendostaǵy kóne teatrǵa úsh myńǵa jýyq kórermen syıady. Aıta keterligi, Eýropa men Sol­tústik Af­rı­kadaǵy bas­qa ejel­gi qury­lys­tarmen salys­tyr­ǵanda jaqsy saqtalǵan.