Sýret: facebook.com@Taraz.24
Medıasaýattylyq – qazirgi kezeńniń basty talaby. О́ıtkeni sóılem qurylysy men árip qatelerden bólek, keı jýrnalıster derekti tekserýdi, onyń ras-ótirigine kóz jetkizbeı jarııalaýǵa bolmaıtynyn, oǵan qosa medıa etıkanyń bar ekenin túsine bermeıdi. Osyǵan oraı paneldik sessııalarda faktchekıng, medıaetıka, medıasaýattylyq taqyryptary kóterildi. Tipti jýrnalıster arasynda dıktant ótti.
Sondaı-aq medıa aptalyqta jurtshylyqty óńirlik BAQ-tyń kontentimen tanystyrýǵa múmkindik týdy. Aımaqtardaǵy medıanyń problemalaryna da basa nazar aýdaryldy. Ásirese qatysýshylar maman tapshylyǵyn basa aıtty. Menińshe, joǵary oqý oryndaryndaǵy jýrnalıstıkaǵa túsý tártibin ózgertý qajet. Oǵan qosa ýnıversıtetterge teorııalyq bilimi men praktıkalyq biligi ushtasqan kásibı mamandardy kóbirek tartý kerek.
Taǵy biri qaýzalǵan ózekti máseleniń biri – balalar kontentin damytý. Atalǵan taqyryp týrasynda sheteldik mamandar da shaqyrtylyp, trendtegi formattar talqylandy. Negizi bul problema buǵan deıin Atyraýda ótken Ulttyq quryltaıda da kóterilgen edi. Maqsat – medıa platformalardaǵy qazaq tiliniń qoldanys aıasyn arttyrý.
Zarına QÝATOVA,
«Taraz 24» telearnasynyń dırektory
