Sottyń málimetinshe, kópbalaly áıel 2023 jyldyń qyrkúıeginen bastap dúkende kassır bolyp jumys istegen. 2024 jyldyń 4 naýryzynda ol dırektordan suranyp, tórt saǵat boıy jumys ornynda bolmaǵan, onyń ornyna áriptesi jumys isteı turǵan.
«Biraq dúken dırektory jumysta bolmaǵany týraly akt jasap, túsinikteme jazdyryp, jumystan shyǵarý týraly sheshim shyǵarǵan. Sot jumystan bosatylýyn zańsyz dep tapty. Jumystan bosatý túrindegi tártiptik jazaǵa negiz joq. Kýágerler men dúken qyzmetkerleri dúken dırektorynan demalys suraǵanyn rastady. Tártiptik jaza qoldaný tártibi buzylǵan, buıryqta jumystan bosatýdyń negizi kórsetilmege», delingen sot habarlamasynda.
Sot kópbalaly áıeldiń talap aryzyn qanaǵattandyryp, jumystan bosatý týraly buıryq jaramsyz dep tanyldy. Áıel burynǵy qyzmetine qaıta oraldy.
«Jábirlenýshiniń paıdasyna JShS-nen 895 520 teńge kóleminde eńbekaqy óndirildi. Sot alqasynyń qaýlysymen sot sheshimi ózgerissiz qaldyryldy. Jumysyn qalpyna keltirý jáne jalaqy tóleý týraly sheshim dereý oryndalýy qajet», delingen habarlamada.
