Oqıǵa týraly qyzdyń anasy “Ne molchı” qoryna aıtyp bergen. Derekterge súıensek 6 shilde kúni anasy 5 jasar qyzyna jańa velosıped ákelip qýantpaq bolǵan. Oınap júrgen qyzyn biraz izdep taba almaǵan. Keıin qyzy alba-julba kıimmen qolynda bir qap oıynshyqtarmen ózi úıge qaraı kelgen.
- Anasy qatty qorqqanynan qyzyna urysqan. Qazir sol áreketine qatty ókinedi. Sebebi ol kezde qyzdyń da jaǵdaıy nashar bolǵan. Ol eshteńe aıtpaǵan jáne tuıyqtalyp qalǵan. Keıin biraz kúnnen soń ǵana bolǵan jaıtty atasyna aıtyp bergen.
Anyqtalǵandaı úsh bala búldirshindi qamys arasyna áketip ekeýi ustap turyp, qyzdyń jynys múshelerin ustaǵan. Qarsylasyp jylaǵanda taspen urǵan. Úsh ul da qyzǵa zorlyq kórsetken. Keıin eshkimge aıtpaýy úshin bir qap oıynshyq bergen, – delingen jazbada.
Astana advokattar alqasynyń advokaty Ilıa Lýnev bul oqıǵanyń kútpegen jalǵasy bolǵanyn jazdy.
- 14 jasqa deıingi balalar qylmystyq jaýapkershilikke tartylmaıtyny belgili, sáıkesinshe qylmys jasaǵandar eshqandaı jazaǵa tartylmady. Muny jaqsy túsinse de tergeý áli de sheksiz saraptamalar jasap, jaýap alýda. Jábirlenýshi qyzdyń janyn odan ári jaralaýda. Endi bes jasar jábirlenýshiniń anasynyń ústinen chattardyń birinde uldardyń esimderin ataǵany úshin qylmystyq is qozǵaǵysy keledi, - dep jazdy zańger Instagram jelisinde.
Lýnev Qylmystyq kodekstiń 423-baby "sotqa deıingi is júrgizý nemese jabyq sot talqylaýy týraly málimetterdi jarııa etý" týraly aıtyp otyrǵanyn túsindirdi. Qyzdyń anasy eki jylǵa deıin bas bostandyǵynan aıyrylýy múmkin.
