Bul baǵdarlamany densaýlyq jáne ál-aýqat salasynyń sarapshy «Amway Central Asia» JShS-nyń qoldaýymen, Almaty qalalyq Bilim basqarmasynyń sharýashylyq júrgizý quqyǵyndaǵy «Qalalyq bilim berýdegi jańa tehnologııalardyń ǵylymı-ádistemelik ortalyǵy» memlekettik kommýnaldyq kásiporny ázirlep otyr.
Kýrs metapándik daǵdylardy qalyptastyryp, bıologııa, áleýmettaný jáne basqa da pánderdi tereńdetip oqytatyn synyptarda qoldanylýy kádik. Elektıvti kýrs «Birtutas tárbıe» Ulttyq tárbıe berý baǵdarlamasynyń qundylyqtaryn jeteleýdi kózdeıdi.
Kýrs 6 bólimnen – Amway-diń gúl kúltesine úndes 6 taqyryptan turady: «tán saýlyǵy», «aqyl-oı saýlyǵy», «qoǵammen baılanys», «tulǵalyq damý», «qarjylyq álaýqat» jáne «planetamyzdyń densaýlyǵy».
«Bizdiń kompanııa osy salada erekshe bilimge ıe jáne biz bilgenimizdi jurtqa taratqymyz keledi. Alty kúltesi bar Amway gúli densaýlyq pen ál-aýqatqa jan-jaqty qaraýdy beıneleıdi. Bul tek fızıkalyq densaýlyq pen qarjylyq ál-aýqatqa ǵana qatysty emes, sonymen qatar pozıtıvti oılaý, adamdarmen ortaq múddege jumylý men jan-dúnıeńdi qanaǵattandyryp ári tabys ákeletin ispen aınalysýdy qamtıtyn tutas keshen. Osy keshendi kózqaras ıdeıasyn Qazaqstannyń bilim berý mekemeleri men mektepteri qoldap, damytýǵa sheshim qabyldady. Biz qoǵamǵa, ósip kele jatqan urpaqqa jáne jumys istep jatqan elimizge paıdamyzdyń tıetinine qýanamyz. Saý-salamat bolý jáne áleýmettik turǵyda jaıly ómir súrý – búginde bul jaı ǵana bulyńǵyr uǵym emes, bul tabysty bolashaqqa arnalǵan is-áreket algorıtmi. Jasóspirimderge jeke tulǵalyq qabilet-qarymyn óz betinshe úılesimdi, tolyqqandy damytý qıyn. Olar eresekterdiń kómegine súıenbeıinshe, keıde óz ómirine birjaqty qarap, onyń barlyq qyryn tolyq kóre almaǵandyqtan, turaqtylyq pen tepe-teńdikke qol jetkize almaıdy. Qazaqstanda buryn-sońdy mundaı kýrs bolmaǵan, biraq onyń kerek ekenin, iske asyratyn ýaqyt kelgenin kórip otyrmyz, sondyqtan joǵary synyp oqýshylaryna úılesimdi, durys ómir súrýdi úıretetin baǵdarlama ázirleý qajet boldy, – dedi Almaty qalasy Bilim basqarmasynyń «Bilim berýdegi jańa tehnologııalardyń qalalyq ǵylymıádistemelik ortalyǵy» ShJQ MKK dırektorynyń ádistemelik jumys jónindegi orynbasary, baǵdarlama men ádistemelik usynystardyń avtory Sandýǵash Ateıbek. – Biz osyny júzege asyra alǵanymyzǵa qýanyshtymyn. Oqýshylardyń tanymdyq, fızıkalyq jáne áleýmettik belsendiligin damyta otyryp, bizdiń baǵdarlamamyz jasóspirimderge ózin-ózi jaqsyraq túsinýine, jasóspirimdik kezeńdi jeńil ótkerýine jáne tabysty ómir súrýine kómektesedi», dedi «Amway Central Asia» JShS-niń bas dırektory Nık Mýzashvılı.
Astana qalasy ákimdiginiń «Ádistemelik ortalyǵy» MKQK bóliminiń basshysy Anar Dosmuhamet: «Joǵary synyp oqýshylaryna arnalǵan osyndaı baǵdarlama bar ekenin bilgende, biz ony Astanada engizip, damytyp, keńeıtkimiz keldi, sondaı-aq osy kýrs negizinde jasóspirimdermen is-sharalar ótkizýdi josparladyq. Bul ósip kele jatqan urpaq úshin óte ózekti taqyryp, ásirese sońǵy jyldary jasóspirimder jıi tap bolatyn qıyndyqtarǵa qarap, olardyń boıynda salaýatty jáne úılesimdi ómir saltyn ustaný daǵdysynyń tómen ekenin baıqaımyz. Kýrs baǵdarlamasy osy jáne densaýlyq pen ál-aýqatqa qatysty basqa da mańyzdy máselelerdi túsindirýge kómektesedi. Qazaqstandaǵy memlekettik mektepter sııaqty, jekemenshik mektepter úshin de joǵary synyp oqýshylary arasynda densaýlyq pen ál-aýqat taqyrybyn damytý baǵdarlamalary asa mańyzdy», dedi.
Baspasóz máslıhatyndy Respýblıkalyq jeke bilim berý uıymdary Assosıasııasynyń jetekshisi Roza Sadyqova: «Biz bul jobany joǵary synyp oqýshylaryn keleshekte salaýatty, jaıly ómir súrýge daıyndaýdyń mańyzdy bóligi retinde qoldaýǵa daıynbyz. Densaýlyqty saqtaý men nyǵaıtyp, ál-aýqatyn jaqsartý úshin jasóspirimderdiń bilim-biligi men daǵdysyn qalyptastyrý qajet. Búgingi jastardy osy baǵytta oqytyp, tárbıelesek, erteń eseıgende olardyń deni saý jáne baqytty azamat bolatynyna senemin». Elektıvti kýrstyń sabaqtarynda toptyq, juptyq jáne jeke jumys júrgiziledi, sondaı-aq evrıstıkalyq, eksperımenttik áńgime, ınteraktıvti ádister men ádistemeler, beınematerıaldar, ımıtasııalyq oıyndar qoldanylady. Shyǵarmashylyq tapsyrmalar oqýshylardy taqyryptardy taldaýǵa, negizgi termındermen jumys isteýge, oı qorytýǵa, qorytyndy jasaýǵa, dılemmalardy sheshýge úıretedi. Sabaq oqýshylardyń bilim alýy men bolashaqta eńbek etýine qajetti kommýnıkatıvtik qabilet-qarymyn jetildirýge kómektesedi. Munyń bári oqýshynyń úılesimdi tulǵa bop qalyptasýyna yqpal etedi. Bizdiń ortaq maqsatymyz – keshendi kózqarastyń alty negizgi baǵyty arqyly adamdarǵa ómir sapasyn jaqsartýyna jáne salaýatty ómir saltyn ustanýyna kómektesý. Aldaǵy ýaqytta jobany búkil Qazaqstan aýmaǵyna keńeıtip, sondaı-aq ýnıversıtetter men kolledj stýdentterine arnalǵan osyǵan uqsas kýrs daıyndaýdy josparlap otyrmyz», deıdi.
Kýrs baǵdarlamasy muǵalimder, ata-analar men oqýshylardy kózdegen maqsatqa jumyldyryp, osy joldy birge júrip ótýge shaqyrady.
ALMATY
