Foto: QR Oqý-aǵartý mınıstrligi
Oqý-aǵartý mınıstrliginiń baspasóz qyzmeti málimdegendeı, mektep bir aýysymda oqıtyn 1 200 orynǵa arnalǵan. Atalǵan bilim berý uıymynda 93 kabınet qarastyrylǵan, onyń ishinde 4 kompıýterlik, 7 mamandandyrylǵan, 2 sport, ashana, kitaphana, horeografııa zaldary bar.
Ǵanı Beısembaev Memleket basshysynyń bastamasymen qolǵa alynǵan «Jaıly mektep» ulttyq jobasynyń bilim berý sapasyn arttyrýdaǵy jáne qalalyq, aýyldyq mektepter arasyndaǵy alshaqtyqty azaıtýdaǵy mańyzdylyǵyn atap ótti.
«Pedagog kadrlar bilim berý sapasyn arttyrýda negizigi ról atqarady. О́tken jyldan bastap elimizde jańa formattaǵy basshylardy irikteý jáne daıarlaý boıynsha «Bilim berýdegi ózgeristerdiń 1000 kóshbasshysy» baǵdarlamasy iske asyrylýda. Búgingi tańda baǵdaralama sheńberinde bilim alǵan 130-dan astam úmitker jaıly mektepterge dırektor bolyp taǵaıyndaldy. Ásirese, tárbıe jumysyna basymdyq beriledi. Balalardy oqytý men tárbıeleý úshin qolaıly jaǵdaı jasaý kerek, sondaı-aq «Birtutas tárbıe» baǵdarlamasy aıasynda ata-analarmen birlesip aldyn alý, aqparattyq jumystardy tıimdi jalǵastyrý mańyzdy», dedi mınıstr.
Sondaı-aq mınıstr Ǵanı Beısembaev mektepte balalardy tamaqtandyrýdyń uıymdastyrylýy men balalardyń qaýipsizdigin qamtamasyz etý júıesiniń sapasyn qarady. Mınıstrge «Birtutas tárbıe» baǵdarlamasy aıasynda júzege asyrylyp jatqan ata-analardy pedagogıkalyq qoldaý ortalyǵy, ákeler keńesiniń klýby jáne «Danalyq mektebi» tanystyryldy. Olardyń ashylýy eń aldymen pozıtıvti ata-ana mádenıetin, mektep pen otbasynyń balalardy tárbıeleýdegi ózara is-qımylyn damytýǵa jáne patrıotızmdi nyǵaıtýǵa baǵyttalǵan.
Aıta keteıik, ulttyq joba boıynsha 2025 jylǵa deıin barlyǵy 217 jaıly mektepti qoldanysqa berý josparlanǵan. Jobada bilim berý ortasynyń fýnksıonaldyǵy men qaýipsizdigine erekshe nazar aýdarylady. Bastaýysh jáne joǵary synyp oqýshylary bólek bloktarda oqıdy. Talaptardyń qatarynda qazirgi tehnıkalyq quraldardy engizý esebinen qaýipsizdik sharalaryn arttyrý, erekshe qajettilikteri bar balalar úshin kedergisiz orta qurý jáne mektepterdi zamanaýı pándik kabınettermen jabdyqtaý qarastyrylǵan.
