Kitapta Sıdneıde ótken Olımpıada chempıony Bekzat Sattarhanovtyń ómiri men álemge tanymal sportshy bolǵanǵa deıingi kásibı joly jazylǵan. Oqıǵalar boksshynyń ata-anasy men zamandastarynyń esteliginen alynǵan.
Kitap avtory Azamat Ábilqaıyrdyń aıtýynsha, kitap jazý prosesi bir aıǵa sozylǵan. Oǵan deıin zertteý jumystary basymyraq bolǵan. Boksshynyń anasy Syrlykúl Sattarhanova kitaptyń qoljazbasyn birneshe ret oqyp, óz pikirin aıtyp otyrǵan.
«Bul kitapta boksshynyń qyzyqty da qıyn ómir joly, ómirindegi qyzyqty sátteri, sanaly ǵumyryn qazaq boks stılin qalyptastyrýǵa arnaǵany, el úshin sińirgen eren eńbegi dáripteledi», dedi kitap avtory.
Kitaptyń tusaýkeserine arnalǵan is-sharaǵa boksshynyń anasy, QR Parlamenti Senatynyń depýtaty, Bas redaktorlar klýbynyń basshysy Bıbigúl Jeksenbaı, QR Parlamenti Senatynyń depýtaty Darhan Qydyráli, QR Parlamenti Májilisiniń depýtaty Nartaı Aralbaıuly, «Habar» agenttigi» AQ Basqarma Tóraǵasy Kemelbek Oıshybaev, «Qazaqstan» RTRK Basqarma tóraǵasynyń orynbasary Azamat Keńesuly, «ABAI» telearnasynyń dırektory Erkin Muhamedjanov, qoǵam jáne mádenıet qaıratkerleri, medıa sarapshylar men sport jýrnalısteri, elimizdiń belgili aqyn-jazýshylary qatysty.
Kezdesý barysynda sóz alǵan Syrlykúl Sattarhanova kitaptyń óskeleń urpaqqa úlgi-ónege ekenin aıtty.
QR Parlamenti Senatynyń depýtaty Darhan Qydyráli balalar men jasóspirimder aýdıtorııasyna arnaıy jazylǵan «Bekzat sattarhanov kim?» kitaby qazaq balalar ádebıetinde óziniń ornyn tabaryna senim bildirdi.
Jınalǵan qaýym qalamgerdi jańa kitabynyń jaryqqa shyǵýymen quttyqtap, jyly lebizderin joldady.
