Foto: Polisia.kz
Ishki ister mınıstrliginiń málimetinshe, qylmystyq top kólik quralynyń biregeı kodyn ózgertý jáne qujattardy qoldan jasaý arqyly avtokólikterdi tirkeýmen aınalysqan. Nátıjesinde VIN-kodtardy qoldan ózgertken jerasty sehynyń jumysy áshkerelengen. Tirkeýge zańsyz qoıylǵan 150-den astam avtokólik anyqtalǵan.
«Qylmystyq is-áreketke arnaıy halyqqa qyzmet kórsetý ortalyǵy qyzmetkerleriniń jáne deldaldardyń qatysy anyqtaldy. Bir dropperge 50 avtokólikke deıin tirkelgen. 17 kúdikti ustaldy. Zattaı dáleldemeler tárkilendi. AEQ qaýipsizdik qyzmetimen birlesip tekserý jalǵasyp jatyr», dedi IIM uıymdasqan qylmysqa qarsy kúres departamenti ókili Qýandyq Alpys.
Zańsyz áreketterden memleketke keltirilgen zalal shamamen 320 mln teńgeden asqan.
Aıta keteıik alaıaqtyq, málimetter bazasyndaǵy aqparatty zańsyz ózgertý men kólik quraldarynyń sáıkestendirý nómirlerin qoldan jasaý faktileri boıynsha 17 qylmystyq is tergelip jatyr.
