Atap aıtqanda, Kongress kitaphanasynyń qoryna Halyqaralyq «Qazaq tili» qoǵamy daıyndap shyǵarǵan Oxford Qazaq Dictionary sózdigi, aǵylshyn tilindegi Abaı shyǵarmalarynyń jınaǵy, M.Áýezov atyndaǵy Ádebıet jáne óner ınstıtýty bastyrǵan «Uly dala oıyndary» jáne «Qazaqtyń otbasy folklory» dep atalatyn eńbekter qosyldy. Buǵan deıin Kongress kitaphanasyna aǵylshyn tilinde shyqqan «Qazirgi qazaq prozasy», «Qazirgi qazaq poezııasy» atty antologııalary tapsyrylǵan edi. Bul is-shara – AQSh-taǵy Qazaqstan elshiliginiń bastamasymen qolǵa alynǵan jyl saıynǵy dástúr.
Qazaq mádenıeti men ádebıetin, tarıhyn dáripteıtin kitaptardyń jyl saıyn shekara attap, ár eldiń álemdik kitaphanalarynan tıisti oryn alyp jatqanyna da biraz jyldyń júzi boldy. Bul úrdis – elimizdiń osy saladaǵy jumystarynyń qaýyrt júrgizilip jatqanynyń aıǵaǵy. Kitap qory 5 mıllıonnan asatyn AQSh Kongresiniń kitaphanasynan qazaqsha kitaptardyń tabylýy da úlken mádenı jetistiktiń biri bolmaq.
