Júrek pishindes kól Al-Kýdra oazısiniń mańynda ornalasqan. Aýmaǵy 550 000 sharshy metr. Kól tipti ǵaryshtan da kórinedi. Onda júz myńdaǵan buta, 16 myńnan astam aǵash pen túrli tústi gúlder egilgen. Mahabbat kóli 2018 jyly qarasha aıynda ashylǵan. Alaıda murager hanzada sheıh Hamdan ıbn Muhammed Ál Maqtum Instagram paraqshasyna kóldiń áýeden túsirilgen sýretin salǵannan keıin ǵana bul oryn kópshiliktiń nazaryn aýdara bastady.
Sý aǵashy
Chernogorııanyń Dınosha aýlynda erekshe aǵash bar. Jergilikti turǵyndar ony «Chernogorııanyń sý aǵashy» dep atap ketken.
Bul aǵash jańbyrly maýsymda sýburqaqqa aınalady. О́ıtkeni ol jerasty bulaqtarynyń ústinde ósip tur. Nóserden keıin bulaqtar tolyp, sý jer betine shyǵady. Aǵashtyń ishi qýys bolǵandyqtan, sý onyń dińimen qubyr sekildi ótip, jaryqtardan sýburqaq bolyp atqylaıdy. Sondyqtan jańbyrly kúnderi jergilikti turǵyndar men týrıster osy erekshe tabıǵı qubylysty tamashalaýǵa jıi keledi.
Eń qysqa reıs
Álemdegi eń qysqa reıs nebári birneshe mınýtqa sozylady.
Shotlandııanyń Ýestreı men Papa-Ýestreı araldary arasynda qatynaıtyn ushaq jolaýshylardy dittegen jerine bes mınýtqa jeter-jetpes ýaqytta jetkizip tastaıdy. Ádette, reıs uzaqtyǵy jelge baılanysty 58 sekýndtan 3 mınýtqa deıin sozylady. Eki aralyqtaǵy qashyqtyq 2,7 shaqyrym. Jumys kúnderi reıs eki baǵytta da qatynaıdy. Al senbi kúni ushaq Ýestreıden Papa-Ýestreı baǵytynda ushsa, keri qaraı jeksenbi kúni ushady. Bul reısti negizinen jergilikti turǵyndar, ásirese Ýestreıden keletin stýdentter men muǵalimder paıdalanady. Keıde dárigerler men emdelýshiler de osy reıspen qatynaıdy. О́ıtkeni Papa-Ýestreıde medısınalyq mekemeler joq. Ushaqty bir ushqysh basqarady, jolaýshylar salonynda segiz oryn bar, al bir oryn ushqyshtyń janynda ornalasqan.
