Mańyzdy jarystar kútip tur

Tusaýkeser kezdesýinde Qazaq­stan qurama komandasynyń kapıtany Iýrıı Shýkın Elena Rybakına, Zarına Dııas, Iýlııa Pýtınseva, Anna Danılına, Jibek Qulambaevaǵa senim artyp otyr. Alǵashqy úsheýi jekelegen sa­ıysta óner kórsetse, qalǵan ekeýi juptyq básekede baq synaıdy. Bul kezdesýler 16-17 qarasha kúnderi Astanadaǵy «Beeline Arena» tennıs ortalyǵynda ótedi.

Kelesi týrnır – «United Cup-2025». 27 jeltoqsan men 5 qańtar ara­lyǵynda Aýstralııanyń Pert pen Sıdneı qalalarynda jalaýy jelbireıtin jarysta Qazaq­stan, AQSh, Polsha, Italııa, Ger­manııa, Fransııa, Ispanııa, Grekııa, Norvegııa, Chehııa, Kanada, Qytaı, Ulybrıtanııa, Aýstralııa, Shveısarııanyń tennısshileri kúsh synasady. Taıaý kúnderi olardyń qatary taǵy úsh komandamen tolyǵady. Jasyl qurlyqta elimizdiń namysyn Aleksandr Shevchenko, Dmıtrıı Popko, Elena Rybakına, Jibek Qulambaeva, Aleksandr Nedovesov qorǵaıdy. Otandastarymyz S tobynda óner kórsetedi. Qar­sy­­lastarymyz – Grekııa men Ispanııa. Ejelgi Ella­da eli­niń atynan Marııa Sak­karı, Ste­fanos Sısıpas, Des­pına Papa­mıhaıl, Stefanos Sakel­la­rıdıs, Valentını Gram­ma­tı­kopýlý, Petros Sısıpas saıysqa tússe, Pıreneı túbe­ginen keletin komanda sapynda Djessıka Býzas Maneıro, Pab­lo Karreno Býsta, Marına Bas­sols Rıbera, Karlos Taberner, Ivonn Kavale-Reımers, Serhıo Martos Gornes bar.

Jarys reglamentine sáıkes, alty toptyń jeńimpazy, eń jaqsy nátıje kórsetken eki komanda pleı-offqa joldama alady. Dúbirli dodada baq synaıtyndar qatarynda Koko Gaýff, Teılor Frıs, Danıel Kollınz, Denıs Kýdla (AQSh), Laýra Zıgemýnd, Aleksandr Zverev (Germanııa), Chjen Sınven, Chjan Chjıjen, Chjan Shýaı (Qytaı), Iga Shventek, Gýbert Gýrkach (Polsha), Jasmın Paolını, Sara Erranı (Ita­lııa), Karolına Mýhova, Tomash Mahach (Chehııa), Kasper Rýýd (Norvegııa), Dıana Parrı, Iýgo Ýmber (Fransııa), Belında Ben­chıch (Shveısarııa), Aleks De Mınor (Aýstralııa), Ketı Býlter, Djek Dreıper, Djo Solsberı (Ulybrıtanııa) syndy saqa sport­shylar bar.

Kelesi jyl­dyń basynda Mel­­býrnde ótetin Aýs­tralııanyń ashyq birinshiligine da­­ıyndyq retinde qarastyrylyp otyr­ǵan jarystyń tusaýy 2022 jyly kesildi. Byl­tyrǵy báseke Germanııa qu­ra­­­­ma­­synyń jeńisimen aıaqtaldy. ­Fı­nalda nemis­ter Polshadan ­basym tústi.

Sondaı-aq 2024 jyldyń qory­tyndy týrnırinde baq synaıtyn barlyq tennıs­shi anyqtaldy. Áıel­der arasyndaǵy dodaǵa elimizdiń birin­shi raketkasy Elena Rybakına da qatysady. 2-9 qarashada Er-Rıadta uıymdastyrylatyn jarys­ta jerlesimizden bólek, Iga Shventek (Polsha), Arına Sobo­lenko (Belarýs), Korı Gaýff, Djes­sıka Pegýla (AQSh), Iаsmın Pao­lını (Italııa), Chjen Sınven (Qytaı), Barbora Kreıchıkova (Chehııa) kortqa shyǵady.