Bul resmı rásim Ystanbulda ótti. Oǵan uıymnyń barlyq múshesi: Tájikstan, О́zbekstan, Qyrǵyzstan, Túrkııa jáne Ázerbaıjan elderiniń ókilderi qatysty. Aıta keteıik, bul uıym halyqaralyq aeronavıgasııalyq yntymaqtastyq platformasy ushý qaýipsizdigin qamtamasyz etýdiń óńirlik strategııasyn ázirleý, ANQK arasyndaǵy yntymaqtastyqty damytý, ÁQU qaýipsizdigin baqylaý júıesin tıimdi engizýge járdemdesý, ushý qaýipsizdigin basqarýda táýekelge baǵdarlanǵan tásildi qoldaný, sonymen qatar áýe kóliginiń turaqty damýyn qoldaý úshin halyqaralyq standarttardy engizý men ÁQU salasyn sıfrlandyrý jáne áýe keńistigin tıimdi paıdalaný maqsatynda qurylǵan.
«SOCEA»-ǵa múshe bolý arqyly áýe qozǵalysy kólemin ulǵaıtýǵa, óńirdegi áýe qozǵalysy qaýipsizdigin basqarý júıesin tıimdi engizýge jáne óńirlik deńgeıde ushý qaýipsizdigin basqarýǵa táýekelderdi baǵalaý tásilin qoldanýǵa bolady. Sondaı-aq osy salany sıfrlandyrý úderisin jańǵyrtý men standarttaýǵa járdemdesýge yqpal etedi.
«SOCEA músheligi óńirlik seriktestermen yntymaqtastyq jáne áýe qozǵalysyn basqarý salasynda ozyq tájirıbe almasý úshin strategııalyq múmkindik sanalady. Biz óz tájirıbemizben bólisip, barlyq óńirdegi áýe keńistiginiń qaýipsizdigi salasynda jańa jetistikterge jetý úshin birlesip jumys isteımiz», deıdi «Qazaeronavıgasııa» RMK bas dırektorynyń orynbasary Jeńis Aýǵalıev.
Aeronavıgasııalyq qaýipsizdikti úılestirý boıynsha óńirlik platforma (SOCEA) byltyr 18 tamyzda «Azerbaıdjanskıe avıalınıı» ZAO (AZAL) men Túrkııa memlekettik áýejaılarynyń bas basqarmasy (DHMI) arasyndaǵy kelisimniń nátıjesinde quryldy.
