Sýretti túsirgen – Valerıı BÝGAEV
О́ńir basshysy Asaıyn Baıhanov qonys ıelerin kópten kútken baspanalarymen quttyqtady.
– Azamattarymyzdy qoljetimdi baspanamen qamtamasyz etý – memlekettiń basty maqsattarynyń biri. Bıylǵy jyly bıznes pen memlekettiń ózara is-áreketi aıasynda biz kezekte turǵan jandarǵa 800 páter, sonyń ishinde oblystyń 10 aýdanynda 313 páter satyp alamyz. Páterlerdi satyp alý tájirıbesin kelesi jyldary da jalǵastyramyz, – dedi oblys ákimi.
Sondaı-aq Sharbaqtyda jalpy aýmaǵy 1 680 sharshy metrdi, muz arenasy 1 440 sharshy metrdi quraıtyn jańa jabyq hokkeı korty ashyldy. Sport nysany aýyl turǵyndarynyń ótinishimen, aýdan turǵyny, kásipker, oblystyq máslıhattyń depýtaty Vıtalıı Solomkınniń qoldaýymen boı kóterdi. Aýyl turǵyndary óńirdiń ál-aýqatyn jaqsartýǵa baǵyttalǵan mańyzdy jobalardyń iske asyrylyp jatqanyna dán rıza ekenderin jetkizdi. Mundaı bastamalarǵa áleýmettik jaýapkershiligi joǵary, belsendi azamattyq ustanymy bar bıznestegi azamattardyń muryndyq bolǵany qýantady.
Pavlodar oblysy,
Sharbaqty aýdany
