Foto: Ashyq derkkóz
«Qazaqstan Respýblıkasynyń «Onlaın-platformalar jáne onlaın-jarnama týraly» Zańynyń erejelerine sáıkes ınflıýenser (bloger) – onlaın-platformada basqa da tulǵalarǵa aqparatty kásipkerlik qyzmet maqsatynda jarııalaıtyn onlaın-platformany paıdalanýshy. Búgingi tańda Respýblıka boıynsha 745 bloger (tizim áleýmettik jelilerde – Instagram, Youtube, TikTok-ta 20 myńnan astam jazylýshysy bar jeke tulǵalardan qurylǵan) bar. Salyq kodeksine sáıkes, blogerlerdiń, onyń ishinde jarnama berýden nemese aqparattyq ónimderdi jyljytýdan túsetin tabystarǵa salyq salynady», delingen habarlamada.
Vedomstvonyń habarlaýynsha, eger bloger jaldamaly jumyskerlerdiń eńbegin paıdalansa nemese onyń jyldyq tabysynyń mólsheri 12 eń tómengi jalaqydan assa (2024 jylǵy 1 qańtardan bastap eń tómengi jalaqy - 85 000 teńge, bul 1 020 000 teńgeni quraıdy) jeke kásipker retinde tirkelýge mindetti.
«Jalpy, otandyq blogerlerdiń kópshiligi qazirdiń ózinde kásipker bolyp sanalady jáne qoldanystaǵy salyq rejımine baılanysty tıisti salyqtardy tóleıdi. Osylaısha, ótken 9 aıda olar 1 mıllıard 226 mıllıon teńgeden astam salyq tólegen», dep habarlady komıtet.
