Foto: Ádilet mınıstrligi
«Osy iske baılanysty biz istiń mán-jaıyn asha almaımyz, sebebi bul Ishki ister mınıstrliginiń quzyretine jatady. Sot-medısınalyq saraptamaǵa kelsek, bes túrli saraptama taǵaıyndaldy: sot-medısınalyq saraptama, órttiń sebepterin anyqtaý saraptamasy, fototehnıkalyq saraptama, molekýlıarlyq-genetıkalyq saraptama jáne bıologııalyq saraptama», dedi Talǵat Ýálı.
Sondaı-aq ol saraptama úshin qandaı da bir qarý-jaraqtyń tárkilengenin jarııalaýǵa quqyǵy joq ekenin atap ótti.
«Osy saraptamalardyń úsheýi aıaqtalyp, quqyq qorǵaý organdaryna berildi, qalǵany áli zertteý satysynda. Tolyq aqparatty tek Ishki ister mınıstrliginen alýǵa bolady», dedi Ádilet mınıstrliginiń resmı ókili.
Esterińizge sala keteıik, 4 qazanǵa qaraǵan túni Talǵarda jastar arasynda tóbeles shyǵyp, 16 jastaǵy Sherzat Bolat qaıtys boldy. Polısııa adam óltirý faktisi boıynsha qylmystyq is qozǵady. Bul isti Ishki ister mınıstri Erjan Sádenov óz baqylaýyna aldy.
Sondaı-aq 12 qazanda Azat aýylynda Sherzat Bolattyń otbasyna tıesili úı órtendi. Polıseıler múlikti qasaqana joıý deregi boıynsha is qozǵap, oqıǵanyń sebepterin anyqtap jatyr.
