Tárbıe – talbesikten

On tórt jyldan beri jumys istep kele jatqan Ákeler odaǵy­nyń negizin qoǵam qaıratkeri Qýanysh Jumataev qurǵan edi. Bul kúnde dúnıeden ótip ketken azamat ákeler qaýymyn mektepke jaqyndatyp, ár otbasynda elin súıetin, ultyna jany ashıtyn eńbekqor azamattyń tárbıelenip shyǵýynda erlerdiń orny erekshe ekenin isimen kórsetti. Keıin jumys aýqymy ulǵaıyp, mektep janyndaǵy keńes kóptegen oblys­ta fılıaly bar odaqqa aınaldy.

Jıynda Mádenıet jáne aq­parat mınıstrligi Jastar jáne otbasy isteri komıteti tóra­ǵa­synyń orynbasary Birjan Álimjanov bıyl­ǵy forýmnyń «Tárbıe – tal­be­sik­ten» dep atalýynyń sebebine toqtaldy.

«Otbasyndaǵy tárbıe memle­kettiń ál-aýqaty men turaq­tylyǵyna tikeleı áser etedi.  Mem­leket basshysy Qasym-Jomart Toqaev bıylǵy Jol­daýynda «Mek­tepke deıingi tár­bıe berý jáne oqytý isine mem­leketpen qatar ata-analar da jaýapty» dep atap ótti. Otbasy – óskeleń urpaq qun­dylyqtarynyń qalyp­tasýynyń negizgi kózi. Mınıstrlik júrgiz­gen áleýmettik zertteýler qory­tyndysy halyqtyń 82 pa­ıyzdan astamy erli-zaıyptylar bala tárbıesimen birdeı aınalysýy kerek degen tujyrym jasaǵanyn kórsetip otyr», dedi B.Álimjanov.

Forým qatysýshylaryna bas­pager Baqytjan Buqarbaıdyń bala tárbıesi týraly búgingi ákelerdiń áńgimeleri men oılary toptastyrylǵan «Zamanmen sanasqan 30 ákeniń hıkaıasy» atty kitaby taratyldy. 

«Er adamnyń beınesin qalyp­tastyrýdaǵy ákeniń róli: jaýap­kershilik, batyldyq, qurmet» taqyrybyna moderatorlyq etken otbasylyq psıholog Erjan Myrzabaev qazirgi qoǵamdaǵy kóp keleńsizdik bala tárbıesindegi ákeler yqpalynyń álsirep ketýi­nen ekendigin aıtty. Bir úıel­menniń jaýapkershiligin ar­qa­laı almaıtyn áke ósip kele jatqan ulyna qandaı úlgi kór­setedi? 

Osy taqyryp aıasynda Qa­zaqstannyń eńbek sińirgen qaı­ratkeri, P.Chaıkovskıı atyn­daǵy Almaty mýzykalyq kol­ledjiniń dırektory Birjan Hasan­ǵalıev ákege qurmet týrasynda oı órbitti. Ákesi, dańq­ty kompozı­tor, áıgili ánshi Esken­dir Hasanǵalıevtiń jany­nan tas­ta­­maı ertip júretini kóp qa­tar­­­­lastary sekildi ulttyq qun­­­dy­­­­­lyqtardan qaǵys qalýdan, «as­falt balasy» atanýdan saq­tap­ty.

«Ákem bala tárbıesine baryn salǵan azamat boldy. Sol tusta qazaqshasy kemshin Almaty kóshesinde qatar serýendep júrip menimen tek qazaqsha sóılesetin. Qazir biz úıge qonaq kele qalsa, balalardy syrtqa qýyp jatamyz ǵoı. Al men ákemniń ja­nynda júrip, qazaq óneri men mádenıetiniń qabyrǵaly qaırat­kerleriniń birazynyń áńgimesin tyńdadym. Sonyń bári azamat retinde qalyp­tasýyma negiz qala­dy», dedi ol.

Qazaqstan halqy Assamb­leıa­sy ja­nyndaǵy respýb­lıka­lyq Ana­lar keńesi jetekshisiniń oryn­ba­sa­ry Kamal Álpeıisova ul tár­bıe­si­ne kóbirek kóńil bólý ke­rek­ti­gin aıt­ty.

Sessııadaǵy «Otbasy jáne qaýipsizdik», «Sanaly ata-ana», «Erler úshin sport pen densaý­lyqtyń mańyzy» atty tal­qy­laýlar aıasynda qatysýshylar turmystyq zorlyq-zombylyq, sýısıdtiń aldyn alý máselesi, sanaly túrde otbasyn qurý, bala tárbıeleýdegi ákeniń róli men jaýapkershiligi, balanyń boıyndaǵy qabiletterdi arttyrý tóńireginde pikir almasty.

«Tárbıe – talbesikten» atty IX respýblıkalyq ákeler forýmy barysynda aıtylǵan usynys-pikirlerdiń deni bala tárbıesine barshanyń jumylýy kerektigi týra­­synda boldy. Sonda ǵana bú­gin­gi qoǵam talabyna saı óske­leń urpaq qalyptastyra alamyz.

QYZYLORDA