Jelide ustalǵandardyń týystary jasaǵan úndeýdiń beınesi tarady.
Kúdiktilerdiń jaqyndary vıdeoda «balalardyń kinási úshin» keshirim surady. Biraq sonymen birge marqumnyń aǵasy men ákesin de jaýapqa tartýdy talap etip otyr.
«Halyqtan keshirim suraımyz. Balalarymyz kináli, biraq Nurqanat (aǵasy) men Qarjaýbaı (ákesi) de jaýapqa tartylýy kerek. Sotta eki jaqtyń da ádil qaralýyn suraımyz. Bir jaqty ǵana kinálaýǵa bolmaıdy. Myltyqty kóliginen Nurqanat (aǵasy) alyp shyqty. Jigitterge qaraı oq jaýdyrdy. Bireýiniń jaǵyn syndyrdy. О́zderi myltyq pen pyshaq alyp shyqty. Sodan jigitter kóterilip ketti. Balalarymyz úshin keshirim suraımyz. Bizdiki durys emes. Biraq arandatpasa, bári tynysh úılerine qaıtar edi», deıdi ustalǵandardyń týystary.
Sondaı-aq olar vıdeoúndeýde balalarynyń «ol jaqqa Sherzatty óltirý úshin arnaıy barmaǵanyn jáne uıymdasqan qylmystyq toptyń múshesi emes ekenin» aıtqan.
View this post on Instagram
