Oqıǵa Pavlodar oblysy, Maıqaıyń aýylynda bolǵan. Atalǵan fakti boıynsha jergilikti polısııa qylmystyq is qozǵady.
«Zorlaý deregi boıynsha qylmystyq is qozǵaldy. Kúdikti ustalyp, ýaqytsha ustaý ızolıatoryna qamaldy», delingen Pavlodar oblysynyń polısııa departamentiniń aqparatynda.
Pavlodar oblysy boıynsha Bala quqyqtary jónindegi ýákil Sáýle Shákeneva sotqa deıingi tergeý júrip jatqanyn rastady.
Ol sondaı-aq, óziniń talaby boıynsha jasóspirimdi aýrýhanaǵa jiberip, onymen psıhologtar jumys isteıtinin jetkizdi.
«Múmkin zorlyq-zombylyq birneshe ret bolǵan shyǵar, árıne, balaǵa kómek pen tekserý qajet. Dál osy kezeńde mektep muǵalimi qyzdyń kúızelisine nazar aýdarǵanyn aıta alamyn. Nátıjesinde bala óz máselesin ashyq aıtyp bergen», deıdi Sáýle Shákeneva.
Oblystyq bala quqyqtary jónindegi ýákil isti baqylaýdy jalǵastyryp, jábirlenýshige qajetti qoldaý kórsetetinin aıtty.
