Sharaǵa ýnıversıtet basshylyǵynyń ókilderi, ǵalymdar, professorlar, oqytýshylar men stýdentter qatysty. Germanııa, Qytaı, Pákistan jáne Qazaqstannyń jetekshi ýnıversıtetteriniń ǵalymdary baıandama jasady. Ortalyq Azııanyń ártúrli elderinen kelgen 60-tan astam stýdent jáne jas ǵalymdar ózderiniń ǵylymı-zertteý jumystary týraly baıandamalary men býkletterin usyndy.
Plenarlyq otyrysta Basqarma múshesi – ǵylymı-ınnovasııalyq qyzmet jónindegi prorektor Jámıla Aıtjanova QazUÝ-daǵy Ekologııa jáne bıoresýrstardyń turaqtylyǵy ǵylymı-zertteý ınstıtýty, bıologııa jáne bıotehnologııa, geografııa jáne tabıǵatty paıdalaný fakýltetteri bilim berý, ǵylymı-zertteý, seriktestik jáne áleýmettik bastamalar arqyly turaqty damýǵa eleýli úles qosyp otyrǵanyn atap ótti.
«QazUÝ fakýltetteriniń bilim berý baǵdarlamalary ekologııalyq taza ónim alýdyń, aýyl sharýashylyǵy men qorshaǵan ortaǵa qajetti shıkizatty óńdeýdiń mańyzdylyǵyn túsinetin mamandardy daıarlaýǵa baǵyttalǵan. Ǵylymı zertteýler, dalalyq tájirıbeler jáne halyqaralyq uıymdarmen yntymaqtastyq arqyly bizdiń stýdentter men oqytýshylar ekologııalyq turaqtylyq pen bıoresýrstarǵa baǵdarlanǵan salanyń bolashaǵyn qalyptastyrýda», dedi prorektor.
Plenarlyq otyrysta professor Ilıa Dıgel-Aahenskıı (Qoldanbaly ǵylymdar ýnıversıteti, Germanııa), professor Nurshat Nurajı (Jańartylatyn energııa kózderi zerthanasy, Nazarbaev ýnıversıtetiniń Injenerlik jáne sıfrlyq ǵylymdar mektebiniń hımııa jáne materıaltaný kafedrasy (Astana), professor, doktor Zýlfıhar Alı-IOFS, Pákistannyń baǵdarlamalar men jobalar bóliminiń dırektory (Pákistan) jáne basqalar baıandama jasady.
Konferensııada azyq-túlik jáne aýylsharýashylyq bıotehnologııasyndaǵy aldyńǵy qatarly jetistikter, bıoártúrlilikti saqtaý strategııalary jáne kómir qaldyqtaryn óńdeýdegi ınnovasııalyq bıotehnologııalyq tásilder qarastyryldy.
Shara aıasynda Qazaqstan-Germanııa-Qytaı seriktestigi negizinde Halyqaralyq qoldanbaly mıkrobıologııa zerthanasynyń ashylý saltanaty ótti. Otandyq jáne sheteldik ǵalymdar jınalǵan jıynda professor Ilıa Dıgel-Aahenskıı (Qoldanbaly ǵylymdar ýnıversıteti, Germanııa) «Eren eńbegi úshin» medalimen marapattaldy. Konferensııa barysynda úzdik dep tanylǵan 40 maqala Scopus ǵylymı derekter bazasynda ındekstelgen jýrnaldarda jarııalandy. Qatysýshylarǵa «Úzdik poster» jáne «Úzdik baıandama» nomınasııalary boıynsha ǵylymı zertteýlerin jalǵastyrý maqsatynda aqshalaı syıaqy berildi.
Zerthana qyzmeti bıotehnologııa salasyndaǵy ǵylymı zertteýlerdi halyqaralyq deńgeıde damytýǵa, ınnovasııalyq bıotehnologııalardy engizýge jáne Qazaqstannyń ǵylymı áleýetin arttyrýǵa baǵyttalǵan. Ǵylymı ortalyq mıkrobıologııanyń qoldanbaly salalary – aýyl sharýashylyǵy, ekologııa, medısına jáne ónerkásipke erekshe kóńil bólgen qazaqstandyq, nemis jáne qytaı ǵalymdarynyń birlesken jumysynyń nátıjesinde quryldy. Joba Qazaqstan ǵylymynyń básekege qabilettiligin arttyrýǵa jáne turaqty damý maqsattaryn júzege asyrýǵa qosqan úlken úlesi bolmaq.
