foto: ashyq derekkóz
Mamandardyń derekterine sáıkes, qarasha aıynyń 26, 27 jáne 28-i kúnderi Qazaqstan boıynsha turaqsyz aýa raıy kútiledi. Elimizdiń ońtústiginde jeldiń ekpini sekýndyna 28 metrge jetedi.
Meteorologtardyń málimdemesine súıensek, respýblıkanyń basym bóliginiń aýa raıyn aýqymdy antısıklon anyqtaıdy, sol sebepten jaýyn-shashynsyz aýa-raıy boljanyp otyr.
«Tek batysta, ońtústik-batysta jáne ońtústiktiń taýly aımaqtarynda, 28 qarashada kúndiz elimizdiń soltústiginde jáne ortalyǵynda atmosferalyq frontaldy bólimderdiń ótýimen jaýyn-shashyn (jańbyr, qar) jáne kóktaıǵaq bolýy yqtımal», delingen habarlamada.Sonymen qatar respýblıka boıynsha tuman túsip, jel kúsheıedi, ekpini - 15-20 m/s. Al eldiń ońtústiginde ekpini 23-28 m/s deıin jetedi. Temperatýralyq fonda kúrt ózgerister kútilmeıdi.
