Ońtústik Qazaqstanda kólik apatynan qaza tapqandar sany 14-ke jetti

ASTANA. 17 maýsym. Almaty-Shymkent tas jolynda bolǵan kólik apatynan qaza tapqandardyń sany 14-ke jetti. Bul týraly Ońtústik Qazaqstan oblystyq prokýratýrasynyń baspasóz qyzmeti habarlady. Aıta keteıik, keshe, ıaǵnı, 16 maýsym kúni saǵat 12:10 shamasynda Almaty-Shymkent-Tashkent-Termez tas jolynyń 678-shaqyrymynda Mersedes sprinter avtomobıli men Nowo júk kóligi soqtyǵysty. Apat saldarynan 8 adam oqıǵa ornynda kóz jumdy. Onyń bireýi 7-8 jasar bala ekeni belgili boldy. Sondaı-aq, 13 adam aýrýhanaǵa jetkizildi. Olardyń arasynda mıkroavtobýstyń júrgizýshisi men taǵy 3 bala bar. О́kinishke qaraı, aýrýhanada zardap shekkenderdiń 6-ýy qaıtys boldy. Mersedes sprinter kóliginde júrgizýshini qosqanda 21 adam bolǵan. Onyń beseýi bala jáne ekeýi О́zbekstan azamaty. Búgingi tańda apatqa ushyraǵandardyń aty-jónderi anyqtaldy. Qaıtys bolǵan 14 adamnyń bireýi bala jáne bireýi О́zbekstan azamaty. Qazir bul derek sotqa deıingi tergeýdiń biryńǵaı tizilimine tirkeldi. Odan bólek, Qazaqstan Respýblıkasy Qylmystyq kodeksiniń 345-baby, 4-tarmaǵy boıynsha sotqa deıingi tergeý jumystary bastalyp ketti. Aldyn ala belgili bolǵan málimetterge súıensek, jol-kólik oqıǵasy mıkroavtobýs júrgizýshisiniń qateliginen bolǵan. Ol aldynda tirkemesimen ketip bara jatqan aýyr júk kóligin janarmaı quıý beketiniń mańynda basyp ozǵysy kelgen. Alaıda, bul áreketiniń sońy qaıǵyly jaǵdaıǵa dýshar etti. Talǵat Raıymbek. Derek: Ońtústik Qazaqstan oblystyq prokýratýrasynyń baspasóz qyzmeti. Sýret: auto.kz.