Ataqty Top Gear baǵdarlamasyn Krıs Evans júrgizetin boldy

ALMATY. 17 maýsym. Bı-Bı-Sı-diń álemdik kórermenderi bar asa tanymal Top Gear telebaǵdarlamasyn budan bylaı Krıs Evans júrgizetin boldy. Bul týraly VVS habarlady. Krıs Evans korporasııamen 3 jyldyq kelisim shartqa otyrdy. Osyǵan oraı suhbat bergen Evans «Top Gear meniń eń jaqsy kóretin baǵdarlamam, sondyqtan da meniń qýanyshymda shek joq» dedi. Al, Djeremı Klarkson túsirgen sońǵy baǵdarlama aldaǵy 28 maýsym kúni kórsetiledi. Top Gear telbaǵdarlamasynyń 22 maýsymy sonymen aıaqtalady. Djeremı Klarkson osylaısha 100 myń dollarlyq jyldyq tabysynan aıyryldy. Ol naýryz aıyndaǵy túsirilim kezinde baǵdarlama prodıýserimen sózge kelip, shıelenistiń aqyr-aıaǵy qonaq úıdegi «qol kóterýge» deıin ulasqan. Bı-Bı-Sı – mıllıondaǵan kórermenderiniń qımastyq bildirgenine, Djeremı Klarksonnyń óziniń keshirim suraǵanyna qaramastan, «qyzba minezdi» júrgizýshini bári-bir qyzmetinen bosatqan edi. Talǵat Súıinbaı. Derek: VVS. Sýret: topgear.com.