Bilim kóshbasshylary anyqtaldy

Oqý-aǵartý mı­nıs­tr­liginiń ha­bar­­­­­la­ýyn­sha, Mem­­leket basshysy Qasym-Jomart Toqaevtyń bas­tamasymen elimizde jańa formattaǵy kósh­bas­shy­lardy irik­teý men kásibı daıarlaý jónindegi «Bilim berýdegi ózgeristerdiń 1000 kóshbasshysy» jo­ba­sy júzege asyrylyp jatyr. Atalǵan baǵ­dar­lamaǵa irikteý bes ke­zeńnen turady. Birinshi kezeńde úmitkerler kásibı jáne basqarýshylyq quzyretterdi baǵalaý úshin testileýden ótedi, ekinshi kezeńde qatysýshylar oqýǵa jiberiledi, úshin­shi kezeńde eldiń jetek­shi mektepterin­de taǵy­lym­damadan ótedi, tórtinshi ke­zeńde qorytyn­dy ba­ǵa­laýǵa qatysady. Al soń­ǵy besinshi kezeńde mı­nıstrlik komıssııa­sy­men áńgimelesýden óte­di. Bar­lyq kezeńniń nátı­je­si boıyn­sha bilim uıym­dary basshylarynyń Res­pýb­lıkalyq kadrlyq re­zervi jasaqtalady.

Kezdesýde sóz alǵan Oqý-aǵartý mınıstri Ǵanı Beı­sembaev rezervke engen jo­ba qatysýshylarynyń osy je­tis­tigimen qut­tyq­tap, óz ke­zeginde bas­shy­lyq qyz­­met­tegi táji­rı­besimen bólisti.

«Tarıhty tulǵalar ja­saıdy. Keıde kóp adam jal­ǵyz ekenin alǵa tartyp, kóp is tyndyra almaıtynyn aıtyp jatady. Shyn máninde, bir adamnyń ózi keıde álemdi ózgerte alatyndaı kúsh­ke ıe bolýy múmkin. Son­dyqtan qazir iriktelip otyrǵan bolashaq mektep basshylaryna úlken úmit artyp, elimizdegi bilim salasyn joǵary dárejege kóterý jolynda aıanbaı eńbek etedi dep senemin. Bilim salasynda kóp reformany bas­tan keshtik. Sol jolda bir nársege anyq kóz jetkizdik, biz bilim salasyndaǵy bas­shylardyń kásibı deńgeıin ósirmeı, bilim sapasyn kótere almaımyz. О́z tájirıbemnen aıtar bolsam, birinshi basshy bolý qashanda ońaı emes. Meni 25 jyl buryn ­5 jylda 13 adam aýysqan, bas­shy turaq­tamaǵan mek­­­tepke dırek­tor etip qoı­dy.­ Aryz jazyp, shy­ǵa­ryp tastaıdy, keı­biri ózi ketedi. Meni de 3 aı­da ketedi dep oılaǵan, biraq sol jerde eshbir qyz­met­kerdi shyǵarmaı, 3 jyl jumys istedim. Eń so­ńynda júrgen mektep bu­ryn­ǵy muǵalimderimen-aq oblys­taǵy aldyńǵy oqý osha­ǵy­nyń birine aınaldy. Bas­shy ujymǵa ashyq, barlyq qyz­metkerge birdeı qa­raıtyn ádil ári adal bol­ǵan kezde is órge basady», dedi mınıstr.

Jaýapty mınıstrlikke qa­rasty Orta bilim ko­mı­tetiniń tóraǵasy Qany­bek Ju­mashev osy jyly jo­ba­nyń alǵashqy kezeńine 13 796 úmitker tirkelgenin, bul ótken jylmen salys­tyrǵanda 2,5 ese kóp ekenin jetkizdi.

«Alǵash ret ótken jyly «Bilim berýdegi ózge­­ris­ter­diń 1000 kósh­basshysy» atty jańa joba qolǵa alyndy. Bul joba Prezıdenttik jas­tar kadr­lyq rezervi sııaqty bilim salasynda kadrlyq rezervti qalyptastyrýǵa baǵyttalǵan. Buryn otan­dyq bilim júıesinde mektep basshylaryn taǵaıyn­daý konkýrs ar­qyly jáne negizinen mamandardyń bi­lik­tiligine, eńbek ótiline qaraı uıym­dastyrylatyn. Biraq álemdik tájirıbeni zertteı kele ozyq elderdegi bilim uıymdarynda basshylardy taǵaıyndaý arnaıy daıyndyq kezeńderinen ótkennen keıin ǵana júzege asatynyn bildik. Sondaı nátıjeli úlgini zerdelep, Oqý-aǵartý mınıstrligi arnaıy baǵdarlama jasap, 4 satydan ótetin oqytýdy uıymdastyrdy. Byltyr jobaǵa 8 myńnan asa mektep dırektorlarynyń orynbasary qatysyp, 4 satyly oqytýdan ótip, eń sońǵy kadr­­lyq rezervke 207 adam endi. Iаǵnı bul oqýdyń ońaı emesin, talaptyń joǵary ekenin kórsetedi. Sol byltyr rezervke engizilgen 207 mamannyń 170-i búginde mektep dırektorlyǵyna konkýrssyz taǵaıyndaldy ári olarǵa «joǵary deń­geı­degi basshy» degen bilik­tilik sanaty berilip, soǵan saı jalaqysy 2 esege deıin ósedi. Jobanyń negizgi maqsaty – basqarý júıesin kúsheıtý, sol arqyly bilim sapasyn arttyrý. Bıyl «Bilim berý­degi ózgeristerdiń 1000 kósh­basshysy» óz jalǵasyn tapty. Osy joly 13 myńnan asa adam qatysyp, 4 satyly oqýdan ótip, sońǵy sertı­fıkat tapsyrý rásimine 376 adam ǵana jetti. Jo­ba­nyń byltyrǵydan aıyr­ma­shylyǵy – bıyl mektep dırektorlyǵynan úmit­ti basshy orynbasar­laryn ǵana emes, qa­tar­daǵy pedagogterdi de qa­tys­tyrdyq. О́ıtkeni qara­paıym muǵalim de qabileti jet­se, basshy bola alady», deı­di komıtet tór­aǵa­sy Q.Jumashev.

Mınıstrliktiń dere­gine súıensek, barlyq bes ke­zeń­niń qorytyndysy bo­ıynsha respýblıkalyq kadr rezervine ótken, ıaǵnı ba­la­baqshalar, mektepter men kolledjderdiń bas­­shylary laýazymdary­na usynylǵan 376 ka­n­dı­dattyń 11-i mektepke de­ıin­gi uıymdardyń, 316-sy orta bilim berý uıym­­da­rynyń, 49-y teh­nı­ka­lyq jáne kásiptik bilim berý uıymdarynyń qyz­metkerleri. Oqýdan, ta­ǵylymdamadan jáne áń­gi­melesýden ótken úmit­ker­lerge sertıfıkat beri­ledi. Sonyń negizinde odan ári jumysqa orna­la­sý úshin olar kadr rezervine alynady. Rezervtegiler birinshi basshynyń bos laýazymyna konkýrs­tyq rásimderden ótpeı taǵaıyndalady.